Samstarfsverkefni Heimstónlistarklúbssins og Jazzklúbbsins Múlans
Latínsveit kontrabassaleikarans Tómasar R. Einarssonar leikur efnisskrá á lögum á nýjum geisladiski Tómasar, Bassanótt, sem kom út s.l. haust. Bassanótt var valin ein af latíndjassplötum ársins 2013 af kólumbíska latínvefnum Solar Latin Club, sem er helsti fjölmiðill latíntónlistar í Suður-Ameríku.
Ómar Guðjónsson, gítar
Eyþór Gunnarsson, píanó
Samúel Jón Samúelsson, básúna og güiro
Tómas R. Einarsson, bassi
Sigtryggur Baldursson, kóngatrommur
Matthías MD Hemstock, trommur og slagverk
Ojba Rasta er 10 manna stórsveit sem var stofnuð árið 2009. Hún spilar reggí tónlist með döbb ívafi og sækir áhrif í heimstónlist, kvikmyndatónlist, kvæðalög og annað sem til fellur og er eyra næst. Með upplífgandi hljóm sínum höfðar sveitin til mjög fjölbreytts hóps áheyrenda.
Ojba Rasta hefur vegnað vel á vinsældarlistum útvarpsstöðva, meðal annars komist í toppsæti vinsældalista Rásar 2 með laginu Baldursbrá og Einhvern vegin svona, og hefur auk þess hlotið lof fyrir líflega sviðsframkomu. Fyrsta breiðskífa Ojba Rasta, sem margir voru orðnir langeygir eftir, kom út haustið 2012 og fylgdi Friður henni á eftir haustið 2013.