Árlega er haldin tónlistarhátíð á Siglufirði sem hefur það að markmiði að kynna þjóðlagaarf ólíkra þjóða og þjóðarbrota. Á hátíðinni hefur tónlist fjölmargra þjóða verið kynnt auk þess sem íslensk þjóðlög sitja ætíð í öndvegi. Þjóðlagahátíðin stendur frá miðvikudegi til sunnudags fyrstu heilu vikuna í júlí ár hvert. Auk tónleika er boðið upp á fjölmörg námskeið, bæði í tónlist og handverki, gömlu og nýju. Þá er börnum þátttakenda boðið upp á ókeypis námskeið í leiklist og tónlist. Það er einstök upplifun að sækja þessa notalegu tónlistarhátíð í nyrsta kaupstað landsins.
Allir viðburðir á Þjóðlagahátíðinni kr. 14.500/12.500*
Hjónaskírteini á alla viðburði kr. 21.500/17.000*
Námskeið kr. 5.000/4.000*. Engir tónleikar innifaldir.
Þjóðlagaakademían kr. 14.500/8.000*. Allir tónleikar innifaldir.
*Námsmenn í fullu námi (16 ára og eldri), atvinnulausir, öryrkjar og 67 ára og eldri.
Börn þátttakenda á námskeiðum fá ókeypis aðgang að barnanámskeiðinu. Önnur börn greiða kr. 3.000.
Gegn framvísun e-miða er afhent tónleikaskírteini. Tónlekaskírteini fást afhent á tónleikastöðum og á Þjóðlagasetrinu á Siglufirði. Senda skal tölvupóst á festival@folkmusik.is til að ganga frá skráningu á námskeið.