Tónlistarhátíðin Drangey Music festival fer fram í annað skiptið laugardaginn 25. júní nk.
Líkt og á síðasta ári verða Reykir á Reykjaströnd vettvangur hátíðarinnar, þar sem Drangey, Tindastóll, Grettislaug og sólarlagið skapar ógleymanlegan vettvang fyrir frábæra tónlist! Þetta árið verða það Retro Stefson, Sverrir Bergmann og hljómsveit og Úlfur Úlfur sem eiga sviðið, ásamt úrvali heimafólks og fleiri atriða sem kynnt verða síðar.
Á Reykjum er rekin ferðaþjónusta og þar munu tónleikagestir eiga möguleika á að setja niður tjöld, auk þess að kaupa veitingar og siglingar í Drangey.
Ekki missa af þessu, miðasala hefst í byrjun maí, nánar tilkynnt síðar.