Peter Jablonski fæddist í Lyckeby í Svíþjóð. Faðir hans pólskur en móðirin sænsk. Hann nam slagverks- og píanóleik við Tónlistarháskólann í Malmö frá árunum 1982- 1986. Hann kom fram sem trommuleikari í hinum þekkta jazzklúbbi Village Vangaurd í New York aðeins níu ára að aldri. Hann þreytti svo frumraun sína sem píanóleikari í Svíþjóð tólf ára að aldri og lék þá Píanókonsertinn eftir Mozart K 453. Árið 1989 fluttist hann svo til Englands og lærði tónsmíðar og píanóleik við Konunglega tónlistarháskólann í London. Decca hljómplötufyrirtækið gerði samning við hann árið 1991. Hann hélt svo sína fyrstu tónleika í Kennedy Center 1992 og í London Royal Festival Hall ári síðar. Washington Post skrifaði um Jablonski; " Það getur átt sér stað einu sinni á mannsævinni að fram kemur svo mikið efni að hann hrífur mann ekki aðeins sem hver annar virtúós heldur líka sá listamaður sem varanlega breytir sýn þinni á tónlist. "
↧