Maríus Hermann Sverrisson og söngskólinn Domus vox standa fyrir léttri söngdagskrá í Hljóðbergi.
Tónlistarvinir Maríusar að þessu sinni eru söngkonurnar Hanna Björk Guðjónsdóttir og Matthildur Guðrún Hafliðadóttir ásamt dömukór Domus vox, Margréti J. Pálmadóttur söngstjóra og píanóleikaranum Halldóri Smárasyni.
Allir listamennirnir eru starfandi sem kennarar eða nemar við söngskólann Domus vox og njóta þess að skapa andrúmsloft leikhúss liðinna ára.