Jólatónleikar Mótettukórs Hallgrímskirkju með Diddú

Mótettukór Hallgrímskirkju hefur í rúm þrjátíu ár glatt tugþúsundir Íslendinga á jólum, og skipa jólatónleikar kórsins veglegan sess í ríkulegu tónleikahaldi í Reykjavík. Í ár heldur kórinn tvenna tónleika á aðventunni og hefur fengið til liðs við sig hina ástsælu söngkonu Sigrúnu Hjálmtýsdóttur, Diddú, en þetta er í fyrsta sinn sem hún syngur einsöng með kórnum á jólatónleikum.

Á efnisskránni er hátíðleg aðventu- og jólatónlist og sígildir jólasálmar. Tónlistin spannar margar aldir tónlistarsögunnar og á meðal höfunda eru Händel, Eccard, Jakob Handl, Mozart, Sigvaldi Kaldalóns, Áskell Jónsson og Halldór Hauksson.

Auk Mótettukórsins og Diddú koma fram þeir Baldvin Oddsson trompetleikari og Björn Steinar Sólbergsson sem leikur á hið stóra Klais-orgel Hallgrímskirkju. Stjórnandi er Hörður Áskelsson.

Í vændum er hugljúf stund á aðventunni.

Haldnir verða tvennir tónleikar í Hallgrímskirkju, laugardaginn 7. desember kl. 17 og sunnudaginn 8. desember kl. 17. Almennt verð: 3.900 kr.

Ástralski tónlistarmaðurinn Tommy Emmanuel er talinn einn færasti gítarleikari heims, en hann hélt tónleika hér á landi árið 2012 þegar færri komust að en vildu. Fingrafimi hans er við brugðið og nýtur hann mikillar virðingar. Gítarinn leikur hreinlega í höndum hans og spilar hann samtímis laglínu, rytma, bassa og sóló á gítarinn svo að það er engu líkara en að fleiri en einn hljóðfæraleikari séu á ferðinni, jafnvel heil hljómsveit. Kallar hann tækni sína  „Finger style“ og hefur hlotið margskonar viðurkenningar fyrir spilamennsku sína. Sjá t.d. hér

Tommy Emmanuel var svo ánægður með viðtökurnar sem hann fékk þegar hann spilaði hér á landi árið 2012 að hann ákvað að endurtaka leikinn við fyrsta tækifæri. Hann er reyndar bókaður marga mánuði fram í tímann og því var nokkur kúnst að finna „gat“ í dagatalinu hans. En nú er komið að því að hann sæki Ísland aftur heim og verða tónleikarnir í Háskólabíói 8. mars 2014 á sama stað og síðast og verður Björn Thoroddsen sérstakur gestur á tónleikunum.

Hugleikur Dagsson kemur með stóra uppstandið sitt norður yfir heiðar þann 19. desember næstkomandi
Djókaín er meira en klukkutími af kynlífi, ofbeldi og Star Wars

2000.- kr. inn (25% afsláttur fyrir námsmenn og eldri borgara)

Síðast var uppselt!

Vælið, söngkeppni Verzlunarskóla Íslands, verður haldið í Eldborg þann 22.nóvember. Tólf atriði verða í keppninni en einnig verða dansatriði og skemmtiþáttur.

Hamagangur í Hörpunni með Vocal Project

Vocal project leggst ekki á garðinn þar sem hann er lægstur. Poppkór Íslands er ekki þekktur fyrir það, við erum stórhuga, djörf og bjartsýn þó við séum einungis 3 ára. Við elskum að takast á við áskoranir og eflumst því stærri sem þær eru. Þetta kvöld verður tileinkað ykkur áhorfendum og því hvetjum við ykkur öll til að láta skammdegismyrkrið ekki aftra ykkur frá því að koma og gleðjast með okkur. Söngdagskráin er að venju metnaðarfull og fjölbreytt. Við bjóðum m.a. upp á U2, Coldplay, Of Monsters And Men, ABBA, Stevie Wonder og Toto og síðast en ekki síst komum við til með að frumflytja glænýtt klögunarlag sem var sérstaklega samið fyrir kórinn af skáldkonunni Þórunni Valdimarsdóttur. Öll þessi lög eru í krefjandi og skemmtilegum útsetningum sem reyndi stundum á þolrif kórmeðlima á meðan æfingar stóðu sem hæst. En það gerist alltaf eitthvað stórkostlegt þegar allar raddir hafa lært sínar línur og koma saman í einum hljómi. Þessi hljómur verður að lagi og raddirnar keppast við að gera sitt besta, syngja af innlifun og einbeitingu. Við elskum að syngja og það er ástæðan fyrir veru okkar í einum skemmtilegasta og hressasta kór landsins.

Þú vilt ekki missa af þessu, í fyrra seldist upp á tvenna tónleika!

Hljómsveitina skipa:Ástvaldur Traustason – hljómborð, Friðrik Karlsson – gítar,
Jóhann Ásmundsson – bassi og Þorbergur Ólafsson – trommur

Kórstjóri er Matthías V. Baldursson

Hljómsveitin Gullfoss heimsótti Græna Hattinn í haust þar sem þeir tóku fyrir öll bestu og vinsælustu lög CCR og gerðu það svo eftirminnilega að um var talað.

Vegna fjölda áskonanna endurtaka þeir leikinn og telja í lög eins og Lodi, Have you ever seen the rain, Fortunate son, Down on the corner, Green river, Travellin´band, Proud Mary, Long I can see the light,Who´ll stop the rain, Bad moon rising ofl. ofl ofl.

Þeir Mugison, Jónas Sig og Ómar Guðjóns hafa heldur betur slegið í gegn með sína nýju hljómsveit Dranga og platan þeirra hefur fengið frábæra dóma. Hér koma þeir aftur en tónleikar þeirra í október seldust upp á mettíma.

Þriðja plata Hjaltalín kom eins og þruma úr heiðskýru lofti fyrir tæpu ári síðan. Platan og tónlist hennar er óvæntur glaðningur, sannkölluð veisla fyrir hlustandann. Hún er uppfull af nánd og þykkri hlýju, og þó að hún geti á köflum verið myrk og allt að því drungaleg er alltaf undirliggjandi fegurð sem ber plötuna uppi. Erfitt er samt að lýsa plötunni, enda flakkar hún á milli tónlistarstefna og skapar þannig sinn eigin sérstaka heim. Sem fyrr einkennist tónlist Hjaltalín samt af framúrskarandi hljóðfæraleik og einstökum samtvinnungi söngvaranna, þeirra Sigríðar Thorlacius og Högna Egilssonar.

Sönghópurinn Reykjavík 5 kemur nú saman á ný eftir margra ára fjarveru og ferðalög og verður með stórkostlegustu Jólatónleika ársins í Fríkirkjunni í Reykjavík sunnudaginn 15.desember kl. 20:00 ásamt 4 manna hljómsveit skipaða snillingunum Gunnari Gunnarssyni á pínaó, Gunnari Hrafnssyni á bassa og Scott McLemore á trommur.

Og fyrir þá sem ekki muna að þá skipa REYKJAVÍK 5 þau Kristjana Stefáns, Hera Björk, Aðalheiður Þorsteins, Gísli Magna og Þorvaldur Þorvalds… ekkert svo leiðinlegt fólk. Tónleikarnir hefjast kl. 20:00 og húsið opnar kl.19:00… það eru nefnilega ónúmeruð sæti sjáðu til!

Söngfjelagið og góðir gestir syngja inn jólin
Jólatónleikar í Grafarvogskirkju 
14. desember kl. 17 og 15. desember kl. 18. 

Á efnisskránni verða þekkt og sígild jólalög í bland við nýrri tónlist frá ýmsum löndum. 
Frumflutt verður nýtt jólalag eftir Hreiðar Inga Þorsteinsson tónskáld, sem samið var fyrir Söngfjelagið af þessu tilefni.

Þetta er í þriðja sinn sem Söngfjelagið heldur tónleika á aðventunni. Er það í anda hátíðarlegrar hefðar sem stjórnandinn, Hilmar Örn Agnarsson, skapaði í Skálholti en hann stóð árum saman fyrir aðventutónleikum sem nutu mikilla vinsælda. Söngfjelagið heldur nú þessu starfi áfram í höfuðborginni.

Gestir Söngfjelagsins eru:
Vox Populi
Björg Þórhallsdóttir sópran
Kristjana Arngrímsdóttir alt
Ragnheiður Gröndal

Kammersveit:
Matthías Stefánsson fiðla
Hlín Erlendsdóttir fiðla
Helga Steinunn Torfadóttir fiðla
Ásdís Runólfsdóttir víóla
Örnólfur Kristjánsson selló
Þórir Jóhannsson kontrabassi
Peter Tompkins óbó
Elísabet Waage harpa
Kjartan Valdemarsson píanó

Mr Norrington

Stjórnandi er Hilmar Örn Agnarsson

Það er orðið töluvert síðan að Jón Jónsson og félagar hans héldu tónleika í fullri lengd. Nú skal því kippt í liðinn þegar þeir leika gömul lög í bland við ný í hinum fagra Austurbæ. Til að gera kvöldið enn skemmtilegra fékk Jón nýstirnið Steinar til að leika vel valin lög af nýju plötunni sinni, Beginning.

Eftir að hafa verið í Epískum frystiklefa í eitt ár fékk Jón Jónsson leyfi fyrir því að senda frá sér nýtt lag og fyrir valinu varð söngurinn Feel for You sem ómað hefur á öldum ljósvakans að undanförnu. Góð viðbrögð lagsins hafa blásið lífi í gamlar glæður hjá Jóni og félögum og eru þeir spenntir fyrir því að þíða Sony-klakann með ástríðufullum tónlistarflutningi.

Steinar skaust ansi skjótt og óvænt upp á stjörnuhimininn með lagi sínu Up en það náði toppi Lagalistans í upphafi nóvembermánaðar. Plata hans, Beginning, er nú komin í verslanir og því spennandi að sjá piltinn leika lög af frumburði sínum, lög sem öll fjalla um eina stúlku.

Þó tónleikarnir séu ekki með yfirskriftinni jólatónleikar þá er aldrei að vita nema jólaandinn svífi yfir vötnum í einstaka lagi enda ekki annað hægt svo skömmu fyrir hátíð ljóss og friðar.

Tónatak- Rytmiska deildin við TA setur upp Söngleikinn The Commitments í Hamraborg - Hofi miðvikudaginn 4. desember kl. 20:00.

Sagan The Commitments var skrifuð af Roddy Doyle og gefin út árið 1987. Hún fjallar um atvinnulaust ungt fólk í Dublin á Írlandi. Þau stofna hljómsveit sem spilar soul-tónlist. Sagan var síðan kvikmynduð fjórum árum síðar og hlaut miklar vinsældir víða um heim.

Ívar Helgason, kennari við TA hefur útfært þessa sögu fyrir rytmisku deildina við TA. Sýningin er sett upp í söngleikjastíl og þátttakendur eru allt nemendur við skólann, syngjandi og spilandi hin frábæru lög úr söngvamyndinni The Commitments.

30. desember – skemmtilegasti dagur ársins – er rétt handan hornsins og það þýðir aðeins eitt: Síðasti Sjens 2013! Að þessu sinni eru það Retro Stefson, Sísý Ey og Hermigervill sem halda uppi stuðinu í Vodafonehöllinni fram á nótt. Húsið opnar kl. 21 og er stefnt á að fyrstu tónar berist kl. 22. Það verður öllu til tjaldað til að gera þennan viðburð að ógleymanlegri kvöldstund!

Það er algjörlega rakið að skella sér í dansinn og kveðja árið með stæl þennan næstsíðasta dag ársins!

Retro Stefson hafa þrátt fyrir ungan aldur skipað sér í allra fremstu röð íslenskra tónlistarmanna. Tónleikar þeirra þykja slá flestu við og lög þeirra hafa notið gríðarlegra vinsælda. Retro Stefson hefur ferðast um allan heim sl. misseri til að kynna plötu sína Retro Stefson sem kom út á Íslandi fyrir ári og hefur náð platínumsölu (yfir 10.000 eintök). Þessa dagana er sveitin að vinna að nýju efni og tekur sér því frí frá tónleikahaldi fyrri hluta ársins 2014.

Sísý Ey hafa frá því þær komu fyrst fram fyrir tæpum tveimur árum getið sér gott orð fyrir lagasmíðar og nýjan tón sem hefur vakið athygli á sveitinni á Íslandi og erlendis. Sveitin kom fram á Sonar á Íslandi og í Barcelona auk þess sem hún spilaði Iceland Airwaves tónlistarhátíðinni sl. 2 ár við góðan orðstýr. Í framhaldi af Iceland Airwaves var Sísý Ey boðið að koma fram á Eurosoinc hátíðinni í janúar auk fleiri hátíða sem verða kynntar síðar. Sveitin vinnur að fyrstu hljómplötu sinni þessa dagana sem stefnt er á að komi út á næsta ári.

Hermigervill er með allra skemmtilegustu tónlistarmönnum á Íslandi í dag. Hann á í fórum sínum sannkallaða danssmelli auk þess sem hann hefur endurhljóðblandað margar af perlum dægurlagasögu Íslands. Hermigervill hefur sl. misseri verið í auknum mæli að koma fram erlendis og spilar m.a. á M for Montreal tónlistarhátíðinni í nóvember auk þess sem hann kemur fram á Eurosonic í janúar.

Sópransöngkonan Ingunn Sigurðardóttir hefur haldið tónleika víða hér heima og erlendis.

Tónleikarnir eru helgaðir aðventunni og á efnisskránni verða meðal annars þessi lög: Frá ljósanna hásal, Still, Still, Still, Wonderland, Silver bells, The christmas song, Ó helga nótt o.fl.

Hátíðartónleikar Schola cantorum á aðventu

Kammerkórinn Schola cantorum flytur hátíðlega aðventu- og jólatónlist á sex tungumálum. Á efnisskránni er frumflutningur nýrra jólasöngva e. Hafliða Hallgrímsson, Christus vincit e. MacMillan, Sieben Magnificat-Antiphonen e. Pärt ásamt verkum eftir Kreek og Sviridov.

Einnig flytur kórinn tónlist eftir Þorkel Sigurbjörnsson og Hauk Tómasson.
Stjórnandi: Hörður Áskelsson

Flugeldasýning í samtímatónlist ársins 2013
Stórtónleikarnir Hátt í Höllinni
Laugardalshöll, fimmtudagskvöldið 19. desember

Kaleo , FM Belfast , Drangar og Hjaltalín.

Stórtónleikarnir Hátt í Höllinni verða haldnir annað árið í röð 19 desember í Laugardalshöll

Á tónleikunum koma fram 4 af sterkustu tónleikaböndum landsins. Í ár eru það hljómsveitirnar Kaleo, FM Belfast, Drangar og Hjaltalín sem munu prýði sviðið í Laugardalshöll. Tónleikarnir eru nokkursskonar uppskeruhátíð tónlistarársins og er nafn tónleikanna augljóslega skírskotun í gamalt kvæði sem oft er sungið á jólunum um Þyrnirós. Sungið var „Þá var kátt í höllinni“ en nú fylla tónleikahaldarar Laugardalshöllina af græjum og það verður „Hátt í Höllinni“ með flottustu böndum ársins.

Hljómsveitin Kaleo frá Mosfellsbæ hefur sannarlega verið ein af spútnik hljómsveitum ársins. Lagið þeirra „Vor í Vaglaskógi“ var eitt vinsælasta lag sumarsins og í kjölfarið hafa komið firnasterk rokklög sem hafa fengið mikla spilum á útvarpsstöðvum landsins. var fylgt eftir með nokkrum sterkum  rokklögum einsog “rock´n roller”. Fyrsta plata hljómsveitarinnar var að koma í verslanir og má búast við miklu frá þessar efnilegu sveit í framtíðinni.

FM Belfast er klárlega ein sterkasta tónleikasveit landsins og þótt víða væri leitað. Hljómsveitin var stofnuð árið 2005 og hefur síðan verið á stöðugri uppleið og tónleikahald þeirra á erlendri grund hefur verið samfelld sigurganga.. FM Belfast þótti af mörgum vera sigurvegari Iceland Airwaves í ár þar sem sveitin fór hamförum í Hörpu.

Súpersveitin Drangar er skipuð þeim Mugison, Jónasi Sig og Ómari Guðjóns. Sveitin sem er rétt um eins árs gaf út sína fyrstu skífu á dögunum og er skemst frá því að segja að platan fékk 9.9 af 10 mögulegum í dómum Andreu Jónsdóttur. Þeir eiga efsta lagið á lagalistanum þessa vikuna, Bál. Drangar þræða nú landið á tónleikaferð og munu enda þá reisu á “Hátt í Höllinni.”

Hjaltalínþarf ekki að kynna fyrir neinum en sveitin er ein sú alvinsælasta á Íslandi Hjaltalín var stofnuð árið 2004. Eftir að lagið Goodbye July/Margt að ugga byrjaði að hljóma á Rás 2 byrjaði hljómsveitin að koma fram svo eftir var tekið, bæði í sjónvarpi og á Iceland Airwaves. Síðan þá hefur Hjaltalín vaxið og dafnað og virðast engin takmörk fyrir því hve mikið sveitin getur bætt sig. Síðasta plata Hjaltalín “Enter4” hlaut einróma lof gagnrýnenda jafnt íslenskra sem erlendra. Hjaltalín er nú á tónleikaferðalagi um Kanada og munu hljósmveitin því verða sjóðheit þegar hun kemur fram á stórtónleikunum í Laugardalshöll.

Húsið opnar kl 19.00 og tónleikarnir hefjast kl 20.00 þann 19 desember.
Miðaverði er mjög stillt í hóf 4. 900 kr á gólfi og 5.900 í stúku
Miðasala fer fram á midi.is og hefst salan laugardaginn 23.nóv

Áhugasömum er bennt á að i fyrra seldust miðar í stúku upp á nokkrum klukkutímum og því er gott að vera snemma á ferðinni.

Á stórtónleikum Rótarý 3. janúar flytja þau Alina Dubik og Jónas Ingimundarson spennandi efnisskrá með söngvum eftir Tsjækovski, Glinka, Chopin og Sígaunalögin eftir Dvorák. Fyrst á efnisskránni er afar tilkomumikið og áhrifaríkt atriði úr gleymdu verki eftir Tsjækovski. Þá er Glinka með tvö yndisleg lög, en hann hefur stundum verið nefndur faðir rússneskrar tónlistar, fyrsta stórtónskáld í þeirra hópi. Þá er Pólverjinn Chopin, sem allir elska og dá. Chopin er samlandi Alínu og verða sungin tvö hans þekktustu sönglög. Þau Alína og Jónas hafa unnið saman með góðum árangri og þess má geta að þegar 200 ár voru frá fæðingu Chopins 2010 kom út CD diskur með öllum sönglögum hans flutt af þeim Alínu og Jónasi. Síðastur höfunda á fyrri hluta tónleikanna er Antonin Dvorák annað höfuðtónskáld Tékka og flytja þau Alína og Jónas Sígaunalögin sjö eftir hann. Þau eru gimsteinn í kórónu verka hans, heit og litrík. Sagan segir að Brahms hafi verið einn aðalhvatamaður Dvoráks og hvatti hann mjög til dáða. Brahms hafði þá samið sína ungversku dansa, sem urðu afar vinsælir og hinn ungi Dvorák kom með sína tékknesku dansa, sem gerðu hann heimsfrægan á augabragði.

Tónlistarstyrkur Rótarý 2014:
Verðlaunahafinn 2014 er Lára Bryndís Eggertsdóttir, organisti,  og tekur hún hljóðfæri kirkjunnar til kostanna, m.a. með d moll Tokkötu Bachs, sem hvert mannsbarn þekkir.

Að lokum syngur Alína með Jónasi þrjár óperuaríur af ólíku tagi, eftir Gluck, Saint-Saëns og Verdi.  Alína syngur allt á frummálinu, rússnesku, pólsku, tékknesku, ítölsku og frönsku svo ekki skortir fjölbreytnina.

Rótarýfélagi og fyrrum þjóðleikhússtjóri Sveinn Einarsson leikstjóri og rithöfundur flytur þýðingar á öllum textum kvöldsins. Þýðandi er Reynir Axelsson samstarfsmaður Jónasar til margra ára. Reynir hefur þýtt yfir tvö þúsund ljóð og texta úr 16 tungumálum. Hann er stærðfræðiprófessor við Háskóla Íslands.

Góða skemmtun

Íslendingar hafa löngum ræktað sönghefðina á mannamótum og í rútubílum. Hannesarholt vill leggja sitt af mörkum til að hlúa að sönghefðinni og bjóða uppá samsöng fyrir alla, unga sem aldna, Íslendinga sem aðflutta, undir stjórn kunnáttufólks.  Næsta söngstund verður haldin sunnudaginn 8.desember kl.16, og mun Þórunn Björnsdóttir, kórstjóri leiða sönginn í um klukkustund, Ástvaldur Traustason spilar undir á píanó  og Jón Rafnsson á bassa. Textar munu birtast á skjá. Þar sem jólin eru á næsta leiti verða jólalögin að sjálfsögðu í aðalhlutverki.

Borðstofan verður opin á fyrstu hæð hússins, og hægt verður að fá sér kaffi og meðlæti á undan eða eftir.

Jólatónleikar í Hannesarholti Rósirnar hennar Elsu

Fram koma: Elsa Waage, Alexandra Chernyshova, Bylgja Dís Gunnarsdóttir, Hanna Þóra Guðbrandsdóttur, Margrét Helga Kristjánsdóttir, Margrét Einars og Þóra Passauer.

Undirleikari: Antonía Hevesi.

Á sínum fyrstu tónleikum á Íslandi, teflir píanóleikarinn Philipp Richardsen fram tveimur af æskuverkum Beethovens, píanósónötum, sem leiða yfir í verk sem Horowitz lýsti einhverju sinni sem “einu mest hrífandi og vanmetnasta píanóverki nítjándu aldarinnar”, Ricordanza tilbrigðin eftir einn nemenda Beethovens, Carl Czerny. Tónleikunum lýkur Richardsen svo með fjórum Ballöðum Chopins.

Dr. Richardsen hefur á ferlinum hlotið ýmis verðlaun fyrir píanóleik sinn í alþjóðlegum píanókeppnum.  Hann nam píanóleik, tónlistarsögu og lögfræði í Vínarborg hjá Michael Krist og hlaut doktorsgráðu í píanóleik frá Kaliforníuháskóla, Santa Barbara, þar sem hann nam hjá Paul Berkowitz. Hann hefur jafnframt sótt tíma til Elisso Visaladze, Richard Goode, Murray Perahia, Pascal Devoyon og André Watts.

Frumraun Philipps Richardsen í Carnegie Hall árið 2005 hlaut mikið lof gagnrýnenda, en hann hefur síðan margsinnis komið fram í sjónvarpi og útvarpi í Bandaríkjunum og Suður Kóreu, þar sem hann hefur kennt píanóleik og kammertónlist undanfarin fimm ár. Auk þess hefur hann ritað greinar um kóreskan tónlistariðnað og hlaut nýverið umfjöllun í The Korea Times dagblaðinu.

Tónleikarnir í Hörpu eru liður í tónleikaferðalagi Philipps Richardsen, en á ferðalaginu heldur hann m.a. tónleika í óperuhúsinu í Sydney, Musikverein í Vín, Gasteig í München og Carnegie Hall í New York.