Eitthvað fallegt - Jólatónleikar

November 5, 2013, 8:07 am

≫ Next: Ilmur af jólum - Jólatónleikar - Hera Björk

≪ Previous: Britten í öll mál -

$

0

0

Hin einlægu og líflegu söngvaskáld Kristjana Stefáns, Ragga Gröndal og Svavar Knútur blása til jólatónleikaraðar nú í desember undir yfirskriftinni "Eitthvað fallegt". Tónleikar verða haldnir víða um land og verður einfaldleikinn og innileikinn í fyrirrúmi.

Útsetningar þríeykisins eru allar afskaplega lágstemmdar og áherslan lögð á að njóta stundarinnar saman í góðum félagsskap og eiga samfélag hvert við annað.

Ókeypis verður fyrir börn, 18 ára og yngri og sérstakur helmingsafsláttur fyrir eldri borgara, öryrkja og námsmenn. (þarf að kaupa við inngang)

Hluti af miðasölu hverra tónleika mun renna til góðgerðastarfs á hverjum stað fyrir sig. +

Hlökkum til að sjá ykkur,
Gleðileg jól

---

Ilmur af jólum - Jólatónleikar - Hera Björk

November 5, 2013, 9:37 am

≫ Next: SoundPost Jass - Tónleikar

≪ Previous: Eitthvað fallegt - Jólatónleikar

$

0

0

Fyrir 13 árum síðan gaf Hera Björkút jóladiskinn Ilmur af jólum. Sá diskur er enn að seljast og er til á stórum hluta heimila landsins. Á þessum tónleikum mun Hera Björk ásamt gestasöngvurunum Eyþóri Inga, Pétri Erni og Margréti Eir flytja lögin af plötunni ásamt þeim nýja sem ber einfaldlega nafnið Ilmur af jólum II. Flutningurinn verður í höndum fyrrnefndra söngvara ásamt gospelkór, völdum hljóðfæraleikurum og allt undir stjórn Óskars Einarssonar.

Á sama tíma mun Hera Björk fagna nýútkomnum disk sínum Ilmur af jólum II

Á þessum óviðjafnanlegu tónleikum mun jólamánuðurinn hefjast með heitu kakói og jólabrosi.

SoundPost Jass - Tónleikar

November 6, 2013, 12:53 am

≫ Next: Tónleikadagskráin Vintage - með Margréti Sigurðardóttur og hljómsveit

≪ Previous: Ilmur af jólum - Jólatónleikar - Hera Björk

$

0

0

Jazz kvintettinn SoundPost var stofnaður af Haraldi Guðmundssyni kontrabassaleikara og Hörpu Þorvaldsdóttur söngkonu í Salzburg Austurríki sumarið 2010. Hljómsveitarskipan hefur verið fjölbreytt frá stofnun, allt frá trommulausu tríói yfir í þéttan kvintett, með Lukasi Kletzander á piano, Julian Urabl á gítar og Þorvaldi Þorvaldssyni á trommur.

Í Mars 2012 gaf hljómsveitin út geisladiskinn "Stories", en hann inniheldur 11 frumsamin jazzlög í stíl Billie Holiday/Diane Krall og var diskurinn hljóðblandaður i Los Angeles af íslenskum Grammyverðlaunahafa Husky Hösk (fyrir vinnu með Norah Jones, Sheryl Crow, Salomon Burke ofl.). Þýska útgafyfyrirtækið Timezone Records dreifir "Stories" í Þýskalandi og Austurriki.

SoundPost hefur hlotið góðar undirtektir og hafa lög hljómsveitarinnar verið notuð í þýskri kvikmynd svo eitthvað sé nefnt.

Eftir 7 ára búsetu í Austurríki eru hjónin Haraldur og Harpa flutt aftur heim og koma fram og kynna tónlist Soundpost í Hannesarholti fimmtudaginn 28. nóvember. Þar koma þau fram með einvala liði hljóðfæraleikara, þeim Sunnu Gunnlaugsdóttur píanóleikara, Scott McLemore trommuleikara og Andrési Gunnlaugssyni gítarleikara.

Á tónleikunum flytja þau lög af fyrstu hljómplötu sinni "Stories", ásamt nýjum efni með dassi af kanil.

Tónleikadagskráin Vintage - með Margréti Sigurðardóttur og hljómsveit

November 6, 2013, 12:44 pm

≫ Next: Brother Grass - Jólagleði

≪ Previous: SoundPost Jass - Tónleikar

$

0

0

Söngkonan og píanóleikarinn Margrét Sigurðardóttir og hljómsveit skipuð tónlistarmönnunum Gunnari Hrafnssyni á kontrabassa, gítarleikurunum Ásgeiri Ásgeirssyni og Magnúsi Einarssyni og trommu- og slagverksleikaranum Ásgeiri Óskarssyni flytja tónleikadagskrána Vintage í Hljóðbergi Hannesarholts.

Tónlistarfólkið hefur unnið að undirbúningi útgáfu með tónlistinni sem hér verður flutt en þar er bæði að finna þroskuð lög frá ýmsum tímabilum sem heyrast hér í nýjum útsetningum og nýútsprungin lög eftir Margréti.

Brother Grass - Jólagleði

November 6, 2013, 2:54 pm

≫ Next: Mammút - Útgáfutónleikar

≪ Previous: Tónleikadagskráin Vintage - með Margréti Sigurðardóttur og hljómsveit

$

0

0

Á meðan Kári bítur kinn og frostið gegnum allt smýgur þá hugsum við til jólanna og til ykkar kæru vinir. Brátt líður að jólum, með ljúffengum kökum, laufabrauði og ljósadýrð. Og tónlist! Okkur langar að taka á móti jólunum með ykkur og höfum við að því tilefni efnt til nokkurra jólatónleika

Reykjavík: Laugardagskvöldið 14. desember á Café Rósenberg kl. 22:00
Reykjavík: Sunnudagskvöldið 15. desember á Café Rósenberg kl. 21
Við mælum með því að þið mætið snemma og fáið ykkur að borða, borðapantanir í síma 551 2442. Húsið opnar kl. 17:00

Borgarnes: Þriðjudagskvöldið 17. desember í Borgarneskirkju kl. 20:00, húsið opnar kl. 19:30
Reykjavík: Miðvikudagskvöldið 18. desember á Café Flóru í Grasagarðinum kl. 20:30, borða- og matarpantanir í síma 8664243 (Þorkell), húsið opnar kl. 18:30

Á tónleikunum verða með okkur þrír gestir:
Óskar Kjartansson slagverksleikari
Tómas Jónsson píanóleikari
Ingólfur Magnússon bassaleikari

Hlökkum til að sjá ykkur í blússandi jóla og kósy stemmningu!

ps. Við gáfum út jólaplötu í fyrra sem seldist upp en er nú aftur fáanleg!
...Þegar líða fer að jólum fer allt í gang, þvottabrettið er dregið fram, rykið dustað af raksköfunni, allir fara í jólabað og svo má ekki gleyma myndatökunni. Sumir gera þetta allt í einu og á síðustu stundu, á meðan að aðrir gefa skít í undirbúninginn og pissa á baðstofugólfið. Við í Brother Grass nennum engu stressi og færum ykkur 12 frumsamin, notaleg og tímalaus jólalög. Við leggjum áherslu á þéttar raddanir og vandaðar útsetningar og fengum skemmtilega jólagesti til að leika við okkur á plötunni.

Aðalheiður Þorsteinsdóttir - píanó
Baldur Guðmundsson - hammond og Rhodes
Björgvin Ívar Baldursson - bassi, pumpuorgel, Korg 770
Frank Aarnik - víbrafónn og slagverk
Guðmundur Óskar Guðmundsson - bassi
Magnús Trygvason Eliassen - trommur
Roland Hartwell - fiðlur og víólur
Sigurður Bjarki Gunnarsson - selló

20 ára aldurstakmark á Café Rosenberg.
18 ára aldurstakmark á Café Flóru

Mammút - Útgáfutónleikar

November 7, 2013, 6:09 am

≫ Next: Jólatónleikar Stórsveitar Rvíkur - Majones jól -

≪ Previous: Brother Grass - Jólagleði

$

0

0

Komdu til mín svarta systir er þriðja breiðskífa hljómsveitarinnar Mammút og verður útkomunni fragnað með tónleikum á Græna hattinum laugardagskvöldið 7.des.

Plötunni hefur verið beðið með mikilli eftirvæntingu enda fimm ár síðan að Karkari, síðasta plata Mammút kom út. Sú plata naut gríðarlegra vinsælda og skemmst er frá því að segja að platan náði hinum eftirsótta gullplötutitli nú í sumar.

Nýja platan, sem ber nafnið Komdu til mín svarta systir, hefur verið nokkuð lengi í fæðingu. Upptökur á plötunni hófust sumarið 2012 á Kóngsbakka með Axeli "Flex" Árnasyni. Meðlimir Mammút tóku sér síðan góða tíma í að nostra við öll smáatriði plötunnar í stúdíóinu Orgelsmiðjan, en þar hafði Magnús Øder yfirumsjón með upptökum ásamt því að hljóðblanda plötuna. Um plötuna má segja að hún er bæði þyngri og dimmari en það sem hljómsveitin hefur áður sent frá sér þó hún sé á köflum allt að því silkimjúk.

Nú þegar hafa tvö lög af plötunni fengið töluverða spilun, Salt og Blóðberg, og verður ekki annað sagt en að þau gefi fögur fyrirheit um restina af plötunni.

18 ára aldurstakmark

Jólatónleikar Stórsveitar Rvíkur - Majones jól -

November 7, 2013, 7:59 am

≫ Next: Spáðu í mig - 3Klassískar og Megas

≪ Previous: Mammút - Útgáfutónleikar

$

0

0

Majonesjól - Jólatónleikar Stórsveitar Reykjavíkur

Stórsveit Reykjavíkur heldur árlega jólatónleika sína í Silfurbergi, Hörpu sunnudaginn 1. desember kl. 17.  Einsöngvari verður hinn dularfulli og ástæli Bogomil Font en stjórnandi verður Samúel J. Samúelsson.  Flutt verður öll tónlistin af hinum vinsæla geisladiski Majonesjól sem kom út 2006.  Tónlistin er í léttum dúr, full af glettni og jólahúmor.  Tónleikarnir verða rúmlega klukkustundarlangir, án hlés.  Þeir eru ætlaðir fjölskyldufólki á öllum aldri.

Spáðu í mig - 3Klassískar og Megas

November 7, 2013, 3:08 pm

≫ Next: Stjórnin - 25 ára afmælistónleikar

≪ Previous: Jólatónleikar Stórsveitar Rvíkur - Majones jól -

$

0

0

Spáðu í mig- 3Klassískar, þær Björk Jónsdóttir, Jóhanna V. Þórhallsdóttir og Signý Sæmundsdóttir flytja lög Gunnars Þórðarsonar og Megasar ásamt fleiri  perlum.

Megas er sérstakur gestur tónleikanna. Bjarni Þór Jónatansson leikur á píanó, Gunnar Hrafnsson á bassa og Einar Valur Scheving á trommur

---

Stjórnin - 25 ára afmælistónleikar

November 8, 2013, 4:18 am

≫ Next: KK og Ellen - Aðventutónleikar

≪ Previous: Spáðu í mig - 3Klassískar og Megas

$

0

0

Laugardagskvöldið 23.nóvember næstkomandi mun Stjórnin halda tónleika á Græna Hattinum

Mikil eftirspurn eftir tónleikum á Akureyri myndaðist eftir 25 ára afmælistónleika Stjórnarinnar sem haldnir voru í Háskólabíói þann 25.október sl.

18 ára aldurstakmark

KK og Ellen - Aðventutónleikar

November 8, 2013, 9:06 am

≫ Next: Tilbury útgáfutónleikar -

≪ Previous: Stjórnin - 25 ára afmælistónleikar

$

0

0

Aðventutónleikar KK og Ellenar eru orðnir ómissandi þáttur í aðdraganda jóla og koma gestum ávallt í hátíðarskap. Í mörg ár hafa þau haldið hefðina og komið saman, ýmist þau tvö eða ásamt hljómsveit sem spilað hefur með þeim.

Tónleikarnir hafa verið haldnir víða og má þar nefna Bæjarbíó í Hafnarfirði, Háskólabíó, Eldborgarsal Hörpu og Salnum í Kópavogi.

Einstök aðventustemning skapast á þessum tónleikum þar sem látlaus og hugljúfur flutningur hefur jafnan einkennt þeirra tónlist.

Tilbury útgáfutónleikar -

November 9, 2013, 9:34 am

≫ Next: Sjálfsprottin Spévísi -

≪ Previous: KK og Ellen - Aðventutónleikar

$

0

0

Útgáfutónleikar Tilbury

Tónleikar í Kaldalóni

Hljómsveitin Tilbury ætlar að fagna útgáfu plötunnar Northern Comfort þann 28.  nóvember með tónleikum í Kaldalóni í Hörpu.

Northern Comfort er önnur breiðskífa Tilbury en fyrsta plata sveitarinnar, Exorcise, gerði góða hluti á árinu 2012 og var þar á ferð einn óvæntasti en jafnframt ánægjulegasti smellur ársins.
Sveitin er leidd áfram af Þormóði Dagssyni (Skakkamanage, Jeff Who?, Hudson Wayne) en ásamt honum eru í sveitinni Kristinn Evertsson (Valdimar), Guðmundur Óskar Guðmundsson (Hjaltalín), Örn Eldjárn (Brother Grass, Borko) og Magnús Trygvason Eliassen (Moses Hightower, amiina).
Titillag plötunnar hefur nú þegar gert góða hluti á öldum ljósvakans og leggur línuna fyrir plötuna. Northern Comfort inniheldur tíu lög sem fjalla meira og minna um veður og rómantík. Eða öllu heldur veðurbarða rómantík. Hljóðheimurinn er ýmist kaldur og stormasamur, eða hlýr og lygn. Þarna má finna angurværar ballöður, rokk og ról og meira að segja smá diskó. Þetta er svo allt saman bundið saman af einkennilegum hljóðheim sem gefur verkinu heildarmynd.

Sjálfsprottin Spévísi -

November 11, 2013, 6:37 am

≫ Next: Tilbury - Útgáfutónleikar Northern Comfort

≪ Previous: Tilbury útgáfutónleikar -

$

0

0

Akureyrska hljómsveitin Sjálfsprottin Spévísi heldur tónleika til að fagna útgáfu sinnar fyrstu breiðskífu.

Sjálfsprottin Spévísi eru:
Bjarni Þór Bragason – Söngur/rafgítar
Bjarki Guðmundsson – Rafgítar
Emil Þorri Emilsson – Trommur
Guðmundur Ingi Halldórsson – Rafbassi

Þeim til aðstoðar á tónleikunum verður stórvinur Spévísarinnar Andri Kristinsson ásamt leynigesti.

Tilbury - Útgáfutónleikar Northern Comfort

November 11, 2013, 8:24 am

≫ Next: Lay Low - Útgáfutónleikar

≪ Previous: Sjálfsprottin Spévísi -

$

0

0

Önnur breiðskífa Tilbury, Northern  Comfort, er komin út og henni verður fagnað á Græna hattinum þann 29. nóvember. Fyrsta plata sveitarinnar, Exorcise, gerði góða hluti á árinu 2012 og var þar á ferð einn óvæntasti en jafnframt ánægjulegasti smellur ársins.

Sveitin er skipuð Þormóði Dagssyni (Skakkamanage, Jeff Who?, Hudson Wayne) Kristni Evertssyni (Valdimar), Guðmundi Óskari Guðmundssyni (Hjaltalín), Erni Eldjárn (Brother Grass, Borko) og Magnúsi Trygvasyni Eliassen (Moses Hightower, amiina).

Titillag plötunnar hefur nú þegar gert góða hluti á öldum ljósvakans og leggur línuna fyrir plötuna. Northern Comfort inniheldur tíu lög sem fjalla meira og minna um veður og rómantík. Eða öllu heldur veðurbarða rómantík. Hljóðheimurinn er ýmist kaldur og stormasamur, eða hlýr og lygn. Þarna má finna angurværar ballöður, rokk og ról og meira að segja smá diskó. Þetta er svo allt saman bundið saman af einkennilegum hljóðheim sem gefur verkinu heildarmynd.

18 ára aldurstakmark

Lay Low - Útgáfutónleikar

November 11, 2013, 3:14 pm

≫ Next: Páll Óskar og Monika - Jólatónleikar

≪ Previous: Tilbury - Útgáfutónleikar Northern Comfort

$

0

0

Lay Low er með þekktustu tónlistarkonum landsins. Hún kom fram á sjónarsviðið árið 2007 með fyrstu plötu sína Please Don't Hate me og titillag plötunnar sló strax í gegn. Lay Low sendir nú frá sér sína fjórðu sóló plötu sem nefnist Talking About The Weather. Platan skýrskotar til nýrrar en þó gamallar festu í tilveru listakonunnar, en hún flutti nýverið aftur á suðurlandið eftir nokkurra ára dvöl í Reykjavík. Hér kveður við nýjan og persónulegri tón en áður hjá Lay Low. Heimkoman í sveitina sendir laga- og textasmíðar í óvæntar áttir, þar sem drepið er niður í fortíðinni, ljúfsárt uppgjör við æskuár, veikindi, sjálfstæðisbaráttu manneskjunnar og listakonunnar.

Lay Low fetar einnig nýjar leiðir við gerð plötunnar þar sem hún sér um allan söng, hljóðfæraleik og útsetningar sjálf fyrir utan  trommuleikinn sem er í höndum Bassa Ólafssonar. Upptökustjórn var einnig í höndum Lay Low en Bretinn Ian Grimble hljóðblandaði plötuna. Hann hefur getið sér gott orð fyrir störf sín sem upptökustjóri með hljómsveitum á borð við Daughter, Beth Orton, Benjamin Francis Leftwich og Travis svo fátt eitt sé nefnt.

Lay Low kemur fram með nýrri hljómsveit sem Bassi Ólafsson og Birkir Rafn Gíslason skipa ásamt henni. Sérstakur gestur á tónleikunum verður Snorri Helgason.

Páll Óskar og Monika - Jólatónleikar

November 12, 2013, 1:22 am

≫ Next: Jólasöngvar - Kórs Langholtskirkju

≪ Previous: Lay Low - Útgáfutónleikar

$

0

0

Þeir sem hafa farið á tónleika með Palla og Moniku, vita að maður kemur út betri maður á eftir. Á efnisskránni eru ýmis jólalög sem Palli og Monika hafa spilað undanfarin áratug, auk þekktustu laga Palla í sérstökum útsetningum fyrir hörpu og strengjakvartett.

Kirkjukór Háteigskirkju verður sérstakur gestur á þessum tónleikum.

ATH.Takmarkað upplag. Aðeins örfáir miðar eru í boði hér á miði.is, og því um að gera að grípa gæsina meðan hún gefst. Ónúmeruð sæti. Sætaval er frjálst þegar komið er í Háteigskirkju.

---

Jólasöngvar - Kórs Langholtskirkju

November 12, 2013, 9:23 am

≫ Next: Mahalia Jackson - Esther Jökulsdóttir syngur jólalög

≪ Previous: Páll Óskar og Monika - Jólatónleikar

$

0

0

Áratugalöng hefð er fyrir Jólasöngvum Kórs Langholtskirkju. Í ár verða tónleikarnir dagana þrennir, dagana 20. - 22. desember en þar munu Kór Langholtskirkju og Gradualekór Langholtskirkju syngja undir stjórn Jóns Stefánssonar.

Eins og síðustu ár kemur Táknmálskórinn undir stjórn Eyrúnar Ólafsdóttur einnig fram á Jólasöngum og einsöngvarar í ár eru Andri Björn Róbertsson, Guðrún Matthildur Sigurbergsdóttir, Ólöf Kolbrún Harðardóttir og Þóra Einarsdóttir. Einsöngvari með Táknmálskórnum er Kolbrún Völkudóttir.

Þetta verða þrítugustu og sjöttu jólasöngvarnir við kertaljós og að vanda er boðið upp á rjúkandi jólasúkkulaði og piparkökur í hléi. Mikill jólaandi ríkir á tónleikunum og geta fjölmargir gesta vart hugsað sér upphaf jólahátíðarinnar án þess að mæta á jólasöngva.

Mahalia Jackson - Esther Jökulsdóttir syngur jólalög

November 12, 2013, 3:05 pm

≫ Next: Mozart á Miðnætti - Requiem eftir Mozart

≪ Previous: Jólasöngvar - Kórs Langholtskirkju

$

0

0

Hinir árlegu jólatónleikar Estherar Jökulsdóttur fara fram í Fríkirkjunni í Reykjavík 16 desember næstkomandi, en það er orðin hefð að hún syngi inn jólin í stíl Mahaliu Jackson með einvala liði söngvara og tónlistarmanna.

Efni af hljómplötunni Silent Night verður í aðalhlutverki, auk þess sem gospelperlur frá I belive og You never walk alone gleðja gesti.
Á tónleikum fyrri  ára hefur aðsókn verið þannig að færri hafa komist en vilja og hafa tónleikarnir hlotið mikið lof tónleikagesta.

Einstakur karlakvartett syngur með Esther, en það eru þeir:
Benedikt Ingólfsson bassi,
Gísli Magna tenór,
Skarphéðinn Hjartarson tenór og
Örn Arnarson tenór.

Meðspil er í höndum einvala liðs hljómlistarmanna þar sem
Aðalheiður Þorsteinsdóttir spilar á píanó,
Scott McLemore  á trommur,
Gunnar Gunnarsson á Hammondorgel og
Gunnar Hrafnsson á kontrabassa.
Aðalheiður Þorsteinsdóttir og Skarphéðinn Hjartarson sjá um útsetningar á meistaraverkunum.

Mozart á Miðnætti - Requiem eftir Mozart

November 12, 2013, 3:28 pm

≫ Next: Árstíðir - Hátíðartónleikar

≪ Previous: Mahalia Jackson - Esther Jökulsdóttir syngur jólalög

$

0

0

Mozart á miðnætti - Requiem Mozarts

Árlegir tónleikar Óperukórsins í minningu Mozarts og íslenskra tónlistarmanna sem látist hafa á undanförnu ári:

Óperukórinn í Reykjavík ásamt sinfóníuhljómsveit

Einsöngvarar:
Þóra Einarsdóttir
Sigríður Ósk Kristjánsdóttir
Garðar Thór Cortes
Kristinn Sigmundsson

Stjórnandi: Garðar Cortes

Tónleikarnir eru haldnir á dánarstundu Mozarts aðfaraótt 5.des. 1791

Húsið er opið frá kl. 23.50 Miðvikudagskvöld 4. des.

Árstíðir - Hátíðartónleikar

November 13, 2013, 8:02 am

≫ Next: Ást í ýmsum myndum - Ragnheiðar Ólafsdóttur syngur ásamt Tríói Sunnu Gunnlaugs

≪ Previous: Mozart á Miðnætti - Requiem eftir Mozart

$

0

0

Allt frá árinu 2008 hefur hljómsveitin Árstíðir lagt undir sig Fríkirkjuna í Reykjavík á kvöldi Þorláksmessu og haldið þar sérstaka hátíðartónleika. Rík hefð hefur myndast í kringum þennan viðburð þar sem sveitin leikur eigið efni í bland við hátíðleg lög sem eru sérstaklega útsett og æfð fyrir tilefnið. Árstíðir hafa einnig haft fyrir venju að fá til sín góða gesti á Þorláksmessu. Þetta árið munu tónlistarkonan Myrra Rós Þrastardóttir og klassíska söngkonan Karin Björg Torbjörnsdóttir leggja þeim lið.

Hljómsveitina Árstíðir þekkja flestir fyrir klassísk hljóðfæri og raddaðan söng, en segja má að í tónlist þeirra gæti áhrifa úr ýmsum ólíkum áttum. Síðustu árin hefur sveitin leitað í auknum mæli út fyrir landsteinana, ferðast um gjörvalla Evrópu og komið fram ýmsum gerðum tónleikastaða – allt frá vel sóttum tónlistarhátíðum til lestarstöðva. Árið sem er að líða hefur verið viðburðaríkt og hefur sveitin nýlokið við þriggja vikna tónleikaferð um Þýskaland og er á leið í þá næstu til Belgíu og Lúxemborgar í lok nóvember.

Ást í ýmsum myndum - Ragnheiðar Ólafsdóttur syngur ásamt Tríói Sunnu Gunnlaugs

November 13, 2013, 8:15 am

≫ Next: Mótettukór Hallgrímskirkju og Diddú - Jólatónleikar

≪ Previous: Árstíðir - Hátíðartónleikar

$

0

0

Ragnheiður Ólafsdóttir gaf út hljómdiskinn Söng riddarans ásamt Þórarni Hjartarsyni árið 2001 og hefur rödd hennar því hljómað í eyrum landsmanna, þó hún hafi sjálf búið erlendis mörg undanfarin ár. Á þessum tónleikum kemur ástarskáldið Páll Ólafsson enn við sögu, en ekki verða sagðar af honum sögur, heldur eru ljóðin hans sum hver komin í jazzaðan búning. Lögin á tónleikunum eru eftir Ragnheiði, Hróðmar Inga Sigurbjörnsson og fleiri. Einnig verða fluttar nokkrar sígildar ástarballlöður eftir þekkt jazz-skáld. Ragnheiði til fulltingis í söngnum verða þrír fyrrum félagar í Sönghópnum Sólarmegin.

Tríó Sunnu Gunnlaugs er vel þekkt fyrir frumsaminn jazz og mergjaðan flutning innan lands sem utan. Tríóið hefur nýlega gefið út tvo diska sem fengið hafa afar góða dóma í virtum tónlistartímaritum. Sunna leikur á píanóið, Þorgrímur Jónsson á bassa og Scott McLemore á trommur.