Jólatónleikar
Glæsilegir jólatónleikar þar sem hátíðleikinn verður í fyrirrúmi í flutningi Gissurar Páls og Árna Heiðars. Með þeim verður Valgerður Guðnadóttir söngkona.
Það er löngu orðið tímabært að bjóða landsmönnum uppá jólatónleika þar sem tvíeikið Gissur Páll og Árni Heiðar flytja perlur jólanna og koma tónleikagestum í hátíðarskap. Valgerður Guðnadóttir hefur löngum heillað með söng sínum og verður hún þeim til halds og trausts á tónleikunum.
Aðventutónleikar KK og Ellenar eru orðnir ómissandi þáttur í aðdraganda jóla og koma gestum ávallt í hátíðarskap. Í mörg ár hafa þau haldið hefðina og komið saman, ýmist þau tvö eða ásamt hljómsveit sem spilað hefur með þeim.
Tónleikarnir hafa verið haldnir víða og má þar nefna Bæjarbíó í Hafnarfirði, Háskólabíó og nú síðast í Eldborgarsal Hörpu. Að þessu sinni verður Salurinn í Kópavogi fyrir valinu Þar munu þau KK og ELLEN ásamt Matthíasi Stefánssyni gítar-og fiðluleikara flytja mörg okkar ástsælustu jólalög í bland við eigin lög.
Einstök aðventustemning skapast á þessum tónleikum þar sem látlaus og hugljúfur flutningur hefur jafnan einkennt þeirra tónlist.
Karlakór Reykjavíkur á Aðventu í 20 ár.
Aðventutónleikar Karlakórs Reykjavíkur í Hallgrímskirkju eru árlegur viðburður í starfi kórsins og ekki nóg með það, heldur eru þeir orðnir að föstum lið á aðventu hjá fjölda manns. Nú eru tímamót því í desember næst komandi eru liðin 20 ár frá því að Karlakór Reykjavíkur hóf að syngja aðventu- og jólalög í helgidómnum á holtinu.
Efnisskrá tónleikanna miðar að því að skapa það yfirbragð hátíðleika og friðsemdar sem hæfir aðventunni og þar munu hljóma þekkt jóla- og aðventulög úr öllum áttum frá ýmsum tímum.
Kórinn nýtur fulltingis fjölmargra listamanna eins og undanfarin ár. Sérstakur gestur á þessum tónleikum er tenórinn Kolbeinn Jón Ketilsson en einnig koma fram Lenka Mátéová orgelleikari, trompetleikararnir Ásgeir H. Steingrímsson og Eiríkur Örn Pálsson auk pákuleikarans Eggerts Pálssonar. Þá syngur ungur drengjasópran, Benedikt Gylfason, með kórnum í einu lagi.
Stjórnandi Karlakórs Reykjavíkur er Friðrik S. Kristinsson en hann hefur haldið um stjórntaumana á öllum aðventutónleikum kórsins.
Tónleikar GRM
fimmtudaginn 21. nóv.
Tónleikar i Iðnó 21. nóv. kl 20:30 með þeim Gylfa Ægis, Rúnari Þór og Megasi.
GRM leika lög eftir þá félaga sem allir ættu að kunna og geta sungið með, skemtun í skamdeginu.
Jólin verða sannarlega alls staðar í ár.
Þau Greta Salóme, Heiða Ólafs, Jógvan og Friðrik Ómar leggja af stað í hringferð sína um landið þann 3. desember. Koma þau fram í alls 20 kirkjum um land allt ásamt einvalaliði hljóðfæraleikara og barnakórum.
Tónleikarnir á höfuðborgarsvæðinu eru sem hér segir:
- 3. des. kl. 21:00: Kópavogur (Kópavogskirkja)
- 4. des. kl. 21:00: Garðabær (Vídalínskirkja)
- 5. des. kl. 21:00: Reykjavík (Grafarvogskirkja)
- 6. des. kl. 21:00: Mosfellsbær (Lágafellskirkja)
- 7. des. kl. 16:00: Seltjarnarnes (Seltjarnarneskirkja)
- 7. des. kl. 21:00: Hafnarfjörður (Hafnarfjarðarkirkja)
Tónleikarnir um landið eru sem hér segir:
Vesturland
- 8. des. kl. 15:00: Ólafsvík (Ólafsvíkurkirkja)
- 8. des. kl. 21:00: Akranes (Akraneskirkja)
- 9. des. kl. 20:00: Borgarnes (Borgarnesskirkja)
Norðurland
- 10. des. kl. 20:00: Sauðárkrókur (Sauðárkrókskirkja)
- 11. des. kl. 21:00: Akureyri (Glerárkirkja)
- 12. des. kl. 20:00: Siglufjörður (Siglufjarðarkirkja)
Austurland
- 13. des. kl. 21:00: Egilsstaðir (Egilsstaðakirkja)
- 14. des. kl. 16:00: Neskaupstaður (Norðfjarðarkirkja)
- 14. des. kl. 21:00: Fjarðabyggð (Kirkju- & menningarmiðstöðin á Eskifirði)
Suðurland
- 15. des. kl. 16:00: Skálholt (Skálholtskirkja)
- 15. des. kl. 21:00: Selfoss (Selfosskirkja)
Vestfirðir
- 17. des. kl. 20:00: Ísafjörður (Ísafjarðarkirkja)
Suðurnes
- 19. des. kl. 18:00: Grindavík (Grindavíkurkirkja)
- 19. des. kl. 21:00: Reykjanesbær (Keflavíkurkirkja)
Jólin alls staðar eru bæði stórskemmtilegir og um leið afar hátíðlegir jólatónleikar fyrir alla fjölskylduna.
ATH: Miðaverð aðeins kr. 3.990,- á alla tónleikana.
Upplifðu hlýja og notalega jólastemningu á aðventunni.
Sjáumst í hátíðarskapi í desember!
Forsala á jólatónleikana Hátíð í bæ sem fram fara miðvikudaginn 4. desember nk. hefst föstudaginn 25. október á Midi.is og Rakarastofu Björns & Kjartans.
Selt verður í þrjú hólf:
A hólf - Fremri hluti salar í sæti, 4.700 kr.
B hólf - Aftari hluti salar í sæti, 4.200 kr. og
C hólf - Til hliðar á pöllum, 2.500 kr.
Fram koma: Anna Hansen, Karítas Harpa, Fríða Hansen, Lúðrasveit Þorlákshafnar, Barna- og unglingakór Selfosskirkju, Páll Óskar, Kristjana Stefáns, Helgi Björns, Maríanna Másdóttir og Karlakór Selfoss
Stefán Hilmarsson býður upp á jólatónleika í Salnum föstudagskvöldið 20. desember. Þar verða flutt lög af plötunni "Ein handa þér" í bland við sérvalin stemmnings- og hátíðarlög. Auk þess má vera að þar hljómi 1-2 lög af nýrri jólaplötu sem Stefán hefur haft í hægum smíðum undanfarin misseri og væntanlega kemur út að ári.
Stefáni til fulltingis verða valinkunnir spilarar sem sjaldan slá feilnótur auk þess sem gestasöngvarar koma við sögu. Þetta verður í fyrsta skipti sem Stefán heldur tónleika með þessum formerkjum, en mörg þessarra laga hefur hann ekki sungið opinberlega fyrr, því þegar "Ein handa þér" kom út á sínum tíma gafst ekki tími til tónleikahalds sökum anna á öðrum vígstöðvum.
Miðasala hefst 1. nóvember.
Í tilefni af útkomu geisladisksins Portrait munu þær Emilía Rós Sigfúsdóttir flautuleikari og Ástríður Alda Sigurðardóttir píanóleikari flytja efni af disknum. Á efnisskrá eru verk eftir Schubert, Sancan, Fauré, Younis, Jolivet og Atla Heimi Sveinsson.
Ungu tónlistarkonurnar Emilía Rós og Ástríður Alda hafa leikið saman hérlendis og erlendis síðastliðin ár við góðan orðstír, meðal annars með Elektra Ensemble. Emilía Rós hlaut fjölda viðurkenninga á námsárum sínum, hefur komið fram sem einleikari víðs vegar um heiminn og leikur reglulega með Sinfóníuhljómsveit Íslands. Píanóleikarinn Ástríður Alda Sigurðardóttir hefur á undanförnum árum fest sig í sessi sem einn af okkar allra bestu píanóleikurum.
Á tónleikunum munu þær flytja verkin af nýútkomnum diski þeirra, Portrait. Diskurinn verður til sölu á tónleikunum á tilboðsverði.
Hljómsveitin Kaleo hefur notið mikilla vinsælda undanfarið en lögin "Rock n Roller" og "Vor í Vaglaskógi" hafa ekki farið framhjá mörgum. Lögin fengu gríðarlega mikla útvarpsspilun og hafa strákarnir unnið hug og hjörtu landsmanna á þeim fjölmörgu tónleikum sem þeir hafa spilað á undanfarið. Kaleo strákarnir hafa nú síðan seinni part sumar unnið hörðum höndum að þeirra fyrstu breiðskífu sem kemur út núna í Nóvember. Að því tilefni munu strákarnir halda tónleika um land allt og þann 30. Nóvember næstkomandi stíga þeir á stokk á einum besta tónleikastað landsins, Græna Hattinum.
Strákarnir sendu nýlega frá sér smáskífuna Glasshouse en þar fylgja þeir laginu Rock n' Roller vel eftir. Aðdáendur sveitarinnar sem hrifnari eru af mjúku hlið drengjana þurfa þó ekki að örvænta en þeirri hlið er einnig komið vel til skila á plötunni.
Hljómsveitin Kaleo er skipuð þeim Jökli, Rubin, Daníel og Davíð en þeir koma úr Mosfellsbæ og hafa spilað saman frá unga aldri. Þeir vöktu mikla athygli á Tónaflóði Rásar 2 á menningarnótt en þar komu þeir fram í beinni útsendingu á RÚV og þóttu skara framúr. Akureyringar ættu að þekkja hljómsveitina en hún kom fram á aðalsviðinu um verslunarmannahelgina á Akureyri en útgáfu tónleikarnir verða þó fyrstu tónleikar sveitarinnar í fullri lengd á Akureyri.
Tónleikarnir Gleði og Friðarjól með Pálma Gunnarssyni og gestum fara fram 7. desember næstkomandi í Hofi á Akureyri. Gestir Pálma á jólatónleikunum eru Ragnheiður Gröndal og Kammerkórinn Hymnodia, hljómsveitarstjóri er Þórir Úlfarsson. Fluttar verða jólaperlur sem flestir ættu að kannast við og koma fólki í hátíðarskap.
Sætabrauðsdrengirnir Garðar Thór Cortes, Gissur Páll Gissurarson, Bergþór Pálsson og Viðar Gunnarsson, ásamt Jóhanni G. Jóhannssyni, píanóleikara, slógu rækilega í gegn í Hörpu á Menningarnótt með bráðskemmtilegri dagskrá og glæsilegum flutningi.
Það er því mikið tilhlökkunarefni að þeir munu halda tónleika í Salnum þann 14. mars og 20. mars.
Borgar Magnason kontrabassaleikari og Páll Ivan frá Eiðum, flytjandi og tónskáld, koma fram á tónleikum í tónleikaröðinni Hljóðön sunnudaginn 9. mars 2014, kl. 20. Á efnisskrá tónleikanna eru tónverk þar sem endanleg mynd verksins er látin eftir flytjandanum og augnabliki flutningsins. Á meðal höfunda verka eru James Tenney, Matthew Shlomowitz, Cornelius Cardew, Borgar Magnason og fleiri.
Hljóðön er tónleikaröð tileinkuð tónlist frá 20. og 21. öldinni þar sem einstök hugmyndaauðgi og listræn glíma tónskálda leiða áheyrendur inn á áður ókunnar slóðir. Nafn tónleikaraðarinnar skírskotar til smæstu merkingargreinandi hljóðeininga tungumála, grunneininga sem púsla má ólíkt saman svo úr verði tilraun til merkingar. Hafnarborg efnir hér til tónleikaraðar þar sem ætlunin er að kynna ólík verk samtímatónskálda úr fremstu röð. Í forgrunni verða verk sem fá best notið sín við þær aðstæður og miklu nánd sem býðst í sal Hafnarborgar og telja má sérstakan í flóru tónlistarsala á höfuðborgarsvæðinu. Tónleikaröðin er styrkt af tónlistarsjóði mennta- og menningarmálaráðuneytisins.
Áshildur Haraldsdóttir flautuleikari og Helga Bryndís Magnúsdóttir píanóleikari koma fram á síðustu tónleikum vetrarins í tónleikaröðinni Hljóðön í Hafnarborg. Á tónleikunum má hlýða á verk höfunda á borð við Salvatore Sciarrino, Beat Furrer, Sofiu Gubaidulinu, Horatiu Radulescu, Áshildi Haraldsdóttur og fleiri, ásamt því að heyra má verk nokkurra nemenda LHÍ sem spunnið hafa verk í kringum hljóðanir, þessar smæstu byggingareiningar tungumálsins.
Hljóðön er tónleikaröð tileinkuð tónlist frá 20. og 21. öldinni þar sem einstök hugmyndaauðgi og listræn glíma tónskálda leiða áheyrendur inn á áður ókunnar slóðir. Nafn tónleikaraðarinnar skírskotar til smæstu merkingargreinandi hljóðeininga tungumála, grunneininga sem púsla má ólíkt saman svo úr verði tilraun til merkingar. Hafnarborg efnir hér til tónleikaraðar þar sem ætlunin er að kynna ólík verk samtímatónskálda úr fremstu röð. Í forgrunni verða verk sem fá best notið sín við þær aðstæður og miklu nánd sem býðst í sal Hafnarborgar og telja má sérstakan í flóru tónlistarsala á höfuðborgarsvæðinu. Tónleikaröðin er styrkt af tónlistarsjóði mennta- og menningarmálaráðuneytisins.
Fjölskyldujólatónleikar sem haldnir eru fimmta árið í röð. Þar fer Regína Ósk fremst í flokki frábærra tónlistarmanna. Þar munu þau flytja lög af jólaplötu Regínu ásamt flottum klassískum jólaperlum. Kærleikur, gleði og gospel verða við völd þetta kvöld í kirkjunni!
Fram koma:
Óskar Einarsson - Píanó
Kristján Grétarsson - Gítar
Svenni Þór - Gítar, slagverk og söngur
Aníta, Aldís María, Helga Sæunn - Ungar söngkonur
Gospelkór Lindakirkju undir stjórn Óskars Einarssonar
Unglingagospelkór Lindakirkju undir stjórn Áslaugar Helgu Hálfdánardóttur
Sérstakur gestur: Raggi Bjarna
Á þessum jólatónleikum flytur Sigríður m.a. lög af nýútkominni jólapötu ásamt hljóðfæraleikurunum Guðmundi Óskari Guðmundssyni (bassi), Bjarna Frímanni Bjarnasyni (píanó og fiðla), Ómari Guðjónssyni (gítar) og Helga Svavari Helgasyni (trommur).
Platan inniheldur framsamin lög eftir þá Guðmund Óskar og Bjarna Frímann en textarnir eru sóttir í klassísk íslensk ljóðasöfn. Textarnir spanna nokkuð langt tímabil, þeir elstu eiga rætur sínar að rekja til aldamótanna 1900 en þeir yngstu ná allt til árþúsundamótanna 2000. Þrátt fyrir það greina þeir allir frá hinum sanna boðskap jólanna og fanga þannig hlýjuna sem einkennir hátíðina.
Sigríður Thorlacius hefur á stuttum ferli skipað sér á sess með fremstu söngkonum þjóðarinnar. Hlaut hún m.a. Íslensku tónlistarverðlaunin árið 2009 sem „Besta röddin.“
Jólakveðja er ekki fyrsta eiginlega sólóbreiðskífa Sigríðar en árið 2009 kom út platan Á ljúflingshól, þar sem Sigríður söng lög bræðranna Jóns Múla og Jónasar Árnasonar, ásamt hljómsveitinni Heiðurspiltar.
Jólakveðja var tekin upp í Sundlauginni við Álafosskvosina í Mosfellsbæ. Allur hljómur hennar er einkar hlýr og afslappaður og fær rödd Sigríðar að njóta sín algjörlega með stuðningi framúrskarandi hljóðfæraleiks.
Jólatónleikar Kammersveitar Reykjavíkur eru í hugum margra ómissandi í aðdraganda jóla. Kammersveitin, sem fagnar sínu 40. starfsári um þessar mundir, býður í ár upp á hátíðlega dagskrá með verkum eftir barokkmeistarana Händel og Telemann. Einleikari er hinn ungi og margverðlaunaði trompetleikari Jóhann Már Nardeau.
Efnisskrá
Georg Friedrich Hndel (1685-1759):
Þrír þættir úr Solomon
Georg Philipp Telemann (1681–1767):
Concerto a sei í G-dúr
Trompetkonsert í D-dúr, TWV 51:D7
Einleikari: Jóhann Már Nardeau, trompet
Hlé
Georg Friedrich Hndel:
Concerto grosso op. 6 nr. 7 í B-dúr
Georg Philipp Telemann:
Konsert fyrir trompet og 2 óbó í D-dúr
Einleikarar: Jóhann Már Nardeau, trompet, Matthías Birgir Nardeau, óbó, Peter Tompkins, óbó
Ojba Rasta er 10 manna stórsveit sem var stofnuð árið 2009. Hún spilar reggí tónlist með döbb ívafi og sækir áhrif í heimstónlist, kvikmyndatónlist, kvæðalög og annað sem til fellur og er eyra næst. Með upplífgandi hljóm sínum höfðar sveitin til mjög fjölbreytts hóps áheyrenda.
Ojba Rasta hefur vegnað vel á vinsældarlistum útvarpsstöðva, meðal annars komist í toppsæti vinsældalista Rásar 2 með laginu Baldursbrá og Einhvern veginn svona, og hefur auk þess hlotið lof fyrir líflega sviðsframkomu.
Fyrsta breiðskífa Ojba Rasta, sem margir voru orðnir langeygir eftir, kom út haustið 2012 en ný plata sveitarinnar, Friður, kom út síðast liðið haust og hefur verið að fá frábæra dóma. Platan var tekin upp af upptökustjóranum og tónlistarmanninum Gnúsa Yones og er öll á íslensku. Á plötunni kennir ýmissa grasa allt frá geimskotnu döbbi yfir í tyrkneska sýrutónlist. Óhætt er samt að fullyrða að með þessari annarri breiðskífu sinni hafi Ojba Rasta tekist að fullkomna hljóðheim sinn.
DIMMA blæs til þungarokkstónleika í Kaldalóni í Hörpu, laugardaginn 14. Desember kl 20:00.
Sveitin sendi nýverið frá sér tvöfalda tónleikadiskinn MYRKRAVERK Í HÖRPU á CD/DVD, sem var mynd -og hljóðritaður á goðsagnakenndum tónleikum sveitarinnar fyrir fullum sal í Hörpu fyrr í vetur.
DIMMA mun fagna útgáfunni með því að flytja verkið MYRKRAVERK í heild sinni, ásamt eldri perlum af plötunum DIMMA og STIGMATA og er ekkert til sparað til að gera tónleikana að magnaðri veislu fyrir augu og eyru allra rokkara.
Þar má heyra og sjá Dimmu í sínu náttúrulega umhverfi; á stóru sviði, í hávaða, ljósum, svita og reyk. Þar sem kraftmikil rokktónlistin nýtur sín best!
Ekkert aldurstakmark er á tónleikana.
DIMMA eru:
Stefán Jakobsson : Söngur
Birgir Jónsson : Trommur
Silli Geirdal : Bassi
Ingó Geirdal : Gítar
Emilíana Torrini í Eldborg 6. desember 2013
-Tvennir tónleikar sama kveld.
Emilíana Torrini er ein okkar farsælasta tónlistarkona. jafnt hérlendis sem og á alþjóðlegum vettvangi. Í september gaf Emilíana út sína fjórðu plötu 'Tookah' sem kemur í kjölfarið á hinni gríðarvinsælu 'Me and Armini' frá 2008. 'Me and Armini' náði virkilega góðum árangri í Evrópu og þá sérstaklega smellurinn 'Jungle Drum' sem tók sér meðal annars stöðu á toppnum í Þýskalandi í heilar 9 vikur. Emilíana kom meðal annars við á Íslandi til að kynna 'Me and Armini' og hélt þá 5 troðfulla tónleika í Háskólabíói.
Nýja platan 'Tookah' kom út 9. september sl. og hefur hlotið frábærar viðtökur. Fyrsta útvarpslagið af plötunni 'Speed of Dark' hefur til að mynda fallið afar vel í kramið hjá hlustendum Bylgjunnar, FM957 og Rás 2 þar sem það vermdi toppsætið í nokkrar vikur.
Emilíana ætlar að sjálfsögðu að halda tónleika á Íslandi ásamt hljómsveit sinni til að fylgja eftir 'Tookah' og mun hún skella í tvenna tónleika í Eldborgarsal Hörpu föstudagskveldið 6. desember n.k. eftir viðreist í Evrópu.
Miðað við vinsældir Emilíönu á Íslandi má fastlega reikna með því að færri komist að en vilja á tvenna tónleika hennar í Eldborg föstudagskveldið 6. desember n.k.
Á fæðingardegi tónskáldsins Benjamins Britten og degi heilagrar Sesselíu, verndardýrlings tónlistarinnar, 22. nóvember, halda Hlín Pétursdóttir Behrens, sópran og Gerrit Schuil píanóleikari upp á hundrað ára ártíð tónskáldsins með tónleikum í Hljóðbergi Hannesarholts, Grundarstíg 10 í Reykjavík. Tónleikarnir hefjast kl 21.00 og verða endurtekninir sunnudaginn 24. Nóvember kl 11.00. Efnisskráin endurspeglar sérstaklega hið frjóa samstarf tónskáldins við ljóðskáldið Wystan Hugh Auden m.a. með ljóðaflokkunum On this Island og Cabaret Songs.
Borðstofan er opin fyrir tónleikana á föstudag og hægt er að panta kvöldverð að hætti hússins.
