Big Swing Face
Stórsveit Reykjavíkur spilar Buddy Rich

Að þessu sinni er efnisskráin helguð stórtrommaranum Buddy Rich, en leikin verður öll tónlistin af einni af þekktustu plötum stórsveitar hans; Big Swing Face frá 1967.  Um er að ræða sérlega kraftmiklar útsetningar bæði þekktra jazzstandarda og frumsaminna laga frá þessum tíma.  Á meðal útsetjara og höfunda eru Bill Holman, Bill Potts, Bob Florence og Shorty Rogers. Platan var tekin upp á tónleikum á Chez klúbbinum í Hollywood árið 1967. Stórsveit Buddy Rich höfðaði á þessu tíma sérstaklega til ungs fólks með þrumandi leik, kraftmiklum útsetningum og ungum framúrskarandi hljóðfæraleikurum. 

Þetta eru fimmtu tónleikar Stórsveitar Reykjavíkur þar sem teknar eru fyrir ákveðnar vel þekktar plötur stórveitasögunnar.  Stjórnandi á þessum tónleikum verður Sigurður Flosason. Sérstakur gestur í einu lagi verður söngkonan Sigríður Thorlacius en hún mun flytja lag sem Cathy Rich, dóttir Buddy Rich flutti á plötunni, þá tólf ára gömul.

Á Hátíðlegum nótum. - Jólatónleikar SIggu Beinteins

Sigga Beinteins heldur sína árlegu  jólatónleika í Háskólabíói þann 13. og 14.desember næstkomandi.

Tónleikarnir bera titilinn “Á hátíðlegum nótum” enda er það það yfirbragð sem Sigga vill hafa á sínum tónleikum í bland við afslappað andúmsloft og einlæga nálgun eins og Siggu einni er lagið.

Sérstakir gestir Siggu í ár verða Egill Ólafsson og Valgerður Guðnadóttir.

Hljóðfæraleikarar:
Karl Olgeirsson á píanó / hlljómborð
Friðrik Karlsson á gítar
Róbert Þórhallsson á bassa
Benedikt Brynleifsson á trommur./ slagverk
Stefán Örn Gunnlaugsson á hljómborð.

Lagaval og uppsetning verður með svipuðu sniði í ár og undanfarin ár til að viðhalda þeim hátíðleika sem verið hefur aðalsmerki jólatónleika Siggu.

Meðal laga sem verða á tónleikunum má nefna; Ó helga nótt, Mót Betlehem, Hvít jól, Jólin koma með þér, Brú yfir boðaföllin, Senn koma jólin, Ave Maria og fleiri klassískar jólaperlur í bland við nýrri jólalög.

Hljóðblöndun: Magnús Rögnvalddson
Ljósahönnun: Agnar Hermannsson

Sinfóníuhjómsveit Íslands
Ashkenazy og Ólafur Kjartan

Heiðursstjórnandi Sinfóníuhljómsveitar Íslands, Vladimir Ashkenazy, er einn af eftirsóttari tónlistarmönnum veraldar. Eftir um hálfrar aldar einstakan feril sem píanóleikari hefur hann að mestu snúið sér að hljómsveitarstjórn. Hann stjórnaði Sinfóníuhljómsveit Íslands fyrst 1972 og hefur gegnt stöðu heiðursstjórnanda sveitarinnar í rúman áratug.

Ljóðaflokkurinn Söngvar og dansar dauðans eftir Modest Músorgskíj er sérlega áhrifamikil tónsmíð. Efnistök ljóðskáldsins Arseny Golenishchev-Kutuzov eru dökk áferðar; stríð, barnadauði og drykkjuskapur, og ber tónlistin þess merki. Sérstakt gleðiefni verður að heyra barítónsöngvarann Ólaf Kjartan Sigurðarson túlka þennan magnaða ljóðaflokk Músorgskíjs.

Tónaljóðið Dauðraeyjan eftir Sergej  Rakhmanínov er innblásið af samnefndu málverki Arnolds Böcklins sem  Rakhmanínov sá í París árið 1907. Tónlistin er rússnesk síðrómantík eins og hún gerist best við upphaf 20. aldarinnar.

Efnisskrána fullkomnar hin frábæra  1. sinfónía Johannesar Brahms. Sinfónían var lengi í smíðum og gerði Brahms margar atlögur að verkinu áður en hann varð sáttur við útkomuna.

Sergej Rakhmanínov 
Dauðraeyjan
Modest Músorgskíj 
Söngvar og dansar dauðans
Johannes Brahms
Sinfónía nr. 1
Vladimir Ashkenazy 
hljómsveitarstjóri
Ólafur Kjartan Sigurðarson 
einsöngvari

Sinfóníuhjómsveit Íslands
Prats leikur Tsjajkovskíj

Endurkomu kúbverska píanóvirtúósins Jorge Luis Prats hefur verið tekið fagnandi eftir meira en 30 ára fjarveru frá hinu alþjóðlega tónleikasviði. Árið 1977 vann hann fyrstu verðlaun í Marguerite Long-Jacques Thibaud píanókeppninni. Í kjölfarið hóf Prats alþjóðlegan feril en sökum hamlandi vegabréfsáritana á Kúbu hvarf hann af sjónarsviðinu. Prats er snúinn aftur við ólýsanlega hrifningu tónleikagesta og gagnrýnenda. „Hann er besti píanistinn sem hlustendur hafa ekki heyrt af“ segir á opinberri vefsíðu BBC-tónlistartímaritsins. Það verður því einstakur viðburður að hlýða á hann flytja eitt helsta krúnudjásn píanótónbókmenntanna, Píanókonsert nr. 1 eftir Tsjajkovskíj.

Markus Poschner er tónlistarstjóri Fílharmóníusveitar Bremen og Bremen Theatre. Með nýstárlegum hugmyndum að efnisskrám hefur hann náð til mikils fjölda áheyrenda og er tónleikagestum á Íslandi að góðu kunnur því hann hefur áður stjórnað Sinfóníuhljómsveitinni með góðum árangri.

Prokofíev taldi 5. sinfóníuna vera sitt besta verk sem stæði jafnfætis áhugaverðustu sinfóníum 20. aldarinnar. Sinfóníunni, undir stjórn tónskáldsins, var mjög vel tekið strax við frumflutning 1945 en á þeim tímamótum stóð Prokofíev á hátindi ferlis síns.

Pjotr Tsjajkovskíj
Píanókonsert nr. 1
Sergei Prokofíev
Sinfónía nr. 5
Markus Poschner
hljómsveitarstjóri
Jorge Luis Prats
einleikari

Sinfóníuhjómsveit Íslands
Maxímús kætist í kór
– nýtt ævintýri um Maxímús Músíkús

Tónelska músin Maxímús Músíkús er heimilisvinur fjölda barna á Íslandi en hefur einnig unnið hug og hjörtu barna og fjölskyldna þeirra í mörgum löndum Evrópu, Asíu og Ameríku.

Í nýútkomnu ævintýri um Maxa, því fjórða í röðinni, slæst Maxímús Músíkús í för með stórum hópi kórbarna sem eru á leið með rútu upp í sveit í æfingabúðir. Börnin syngja á leiðinni og herma eftir dýrahljóðum, Maxa til mikillar skemmtunar, en Maxa bregður þegar þau syngja um köttinn Brand, mjá! Í æfingabúðunum kynnist Maxi krökkum frá mörgum löndum og lærir skemmtilega söngva og fjörugar lagasyrpur á ólíkum tungu-málum. Í æfingabúðunum reynist Maxi úrræðagóður eins og alltaf og sannur vinur í raun.

Ævintýrin um Maxa hafa notið fádæma vinsælda og kunnu börn í Kennedy-listamiðstöðinni svo sannarlega að meta músina frá Íslandi þegar Sinfóníuhljómsveitin flutti ævintýrið fyrir skólabörn í Washingtonborg í mars síðastliðnum.

Hallfríður Ólafsdóttir flautuleikari og Þórarinn Már Baldursson víóluleikari, höfundar ævintýranna um Maxímús Músíkús, eru bæði fastráðnir hljóðfæraleikarar við Sinfóníuhljómsveit Íslands.

Georges Bizet
Forleikur og  Götudrengjakórinn úr Carmen
Örlygur Benediktsson 
Sveitavísur
Erlend þjóðlagasyrpa 
útsetning Þóru Marteinsdóttur
Þrjú íslensk þjóðlög 
útsetning Tryggva Baldvinssonar
Wolfgang Amadeus Mozart 
Bona nox - Góða nótt
Engelbert Humperdinck 
Kvöldbæn úr Hans og Grétu
Gabriel Fauré
Cantique de Jean Racine
Stefan Nilsson
Þetta líf er líf sem ég á
Hallfríður Ólafsdóttir
Lagið hans Maxa
Bernharður Wilkinson 
hljómsveitarstjóri
Valur Freyr Einarsson 
sögumaður
Barnakór Selfosskirkju
Unglingakór Selfosskirkju
Drengjakór Reykjavíkur
Gradualekór Langholtskirkju,  Graduale Futuri Langholtskirkju
Kórskóli Langholtskirkju
Kór Öldutúnsskóla 
Barnakór Kársnesskóla
Stúlknakór Reykjavíkur

Sinfóníuhjómsveit Íslands
Tectonics – Taka þrjú!

Tectonics-tónlistarhátíð Sinfóníuhljómsveitar Íslands með nýrri tónlist undir listrænni stjórn Ilans Volkov verður haldin í þriðja sinni. Sérstök áhersla á hátíðinni í ár verður lögð á íslenska tónlist með ný íslensk verk og nýja íslenska hljómsveitartónlist í forgrunni þar sem samstarf ólíkra tónlistarmanna úr ýmsum geirum kristallast. Á hátíðinni hljóma meðal annars verk eftir Charles Ross, Valgeir Sigurðsson, Kjartan Sveinsson, Maríu Huld Markan Sigfúsdóttur og Bergrúnu Snæbjörnsdóttur.

Tectonics-tónlistarhátíðin, sem hleypt var af stokkunum í marsmánuði fyrir tveimur árum, hefur hlotið einróma lof innanlands sem utan. Á hátíðinni slást heimamenn í tónlist í för með Sinfóníuhljómsveit Íslands og kynna fjölbreytt verk á nýjan og einstæðan máta. Ýmis rými Hörpu ásamt ólíkum eiginleikum og hljóðvistarlandslagi tónleikasala hússins verða nýtt til hins ýtrasta.

Taka þrjú á Tectonics verður áframhaldandi leiðangur flytjenda og hlustenda um magnaðar hljóðlendur og ómrými Hörpu. Á Tectonics leiða saman hesta sína tónlistarmenn ólíkra heima þar sem óendanlegur fjölbreytileiki tónlistarinnar opnast áheyrendum sem vilja fanga hið óvænta.

Ilan Volkov 
listrænn stjórnandi

Sinfónía nr.6 eftir Mahler. Risavaxin hljómsveit, gríðarstór hljómur, miklar tilfinningar og stórkostleg tónlist!

Sinfóníuhljómsveit Norðurlands fagnar 20 ára afmæli sínu með glæsibrag. Á efnisskránni er 6. sinfónía Mahlers sem er talin ein magnaðasta sinfónía allra tíma en sagt er að Mahler hafi með tónsmíðum sínum fullkomnað sinfóníuna. Sinfónía Mahlers nr. 6 hefur allt sem góð tónlist hefur til að bera. Dramatík og kyrrð, ást og reiði, lúðra og strengi, flautur og hamar. Þetta er tónlist sem er í senn ógnvænleg og ljúf.

Sinfóníuhljómsveit Norðurlands, Ungsveit Sinfóníuhljómsveitar Íslands og nemendur Tónlistarskólansá Akureyri sameina að venju krafta sína á Stórtónleikum. Þetta verða sannkallaðir  fagnaðartónleikar og það má með sanni segja að blásið verði kröftugar í lúðra en áður. Aldrei áður hefur hljómsveitin verið  svo fjölmenn á sviði eða rétt um 100 manns. Um hljómsveitastjórn sér Guðmundur Óli Gunnarsson.

Ungsveit Sinfóníuhljómsveitar Íslands, sem gjarnan er kölluð unglingalandslið Íslendinga í hljóðfæraleik, er skipuð ungum og efnilegum hljóðfæraleikurum sem staðist hafa krefjandi inntökupróf. Ungsveitin hefur starfað frá  árinu 2009 og hafa tónleikar hennar hlotið frábærar undirtektir áheyrenda og vakið mikla athygli. Tónleikar Ungsveitarinnar  hafa verið  árlegur og mikilvægur þáttur í starfsemi Sinfóníuhljómsveitar Íslands auk þess sem sveitin hefur leikið reglulega með Sinfóníuhljómsveit Norðurlands.

Tónskáldið Alban Berg sagði um 6. sinfóníu Mahlers:
"Þetta er hin eina sjötta, þrátt fyrir Beethoven"

Hljómsveitin Pollapönk gengur til liðs við Sinfóníuhljómsveit Norðurlands og nemendur í Tónlistarskólanum á Akureyri og býður til líflegra tónleika þar sem allir taka þátt, líka áheyrendur. Flutt verða vinsælustu lög Pollapönks í kröftugum útsetningum sem m.a.nemendur TA koma að undir ötulli stjórn hljóðfæraleikara Pollapönks.

Hljómsveitin Pollapönk var stofnuð 2006 af leikskólakennurunum og félögum hljómsveitarinnar Botnleðju, þeim Heiðari Arnari Kristjánssyni og Haraldi Frey Gíslasyni, en sama ár kom út diskurinn „Pollapönk“. Ári eftir stofnun hljómsveitarinnar bættust Arnar Gíslason og Guðni Finnsson úr hljómsveitunum Ensími og Dr. Spock í hópinn. Hljómsveitin hefur frá upphafi lagt áherslu á að skapa tónlist fyrir börn sem fylgt er eftir af sama metnaði og ef um tónlist fyrir fullorðna væri að ræða. Árið 2010 var diskurinn „Meira Pollapönk“ gefinn út og féll sú plata í góðan jarðveg bæði hjá börnum og fullorðnum. Diskurinn fékk tvær tilnefningar til Íslensku tónlistarverðlaunanna 2011 þar sem þeir Haraldur Freyr Gíslason og Heiðar Örn Kristjánsson voru tilnefndir í flokki textahöfunda ársins en lagið „113 vælubíllinn“  var einnig tilnefnt sem lag ársins. Hljómsveitin Pollapönk fékk svo tilnefningu til samfélagsverðlauna Fréttablaðsins 2011 í flokknum „Til atlögu gegn fordómum“. Þriðji geisladiskur hljómsveitarinnar Pollapönks, „Aðeins meira Pollapönk“, kom út haustið 2011 við góðan orðstír.

Tónlistarskólinn á Akureyri var stofnaður árið 1946 og er einn elsti, stærsti og rótgrónasti tónlistarskóli landsins.  Við skólann starfa fjórar deildir og er kennt á öll möguleg hljóðfæri við skólann allt frá þverflautu til rafmagnsgítars enda er bæði sígildri tónlist og dægurlagatónlist gert hátt undir höfði í starfinu.  Í Tónlistarskólanum er lögð áhersla á að nemendur hljóti sem víðtækasta tónlistarmenntun og að námið sé ávallt skemmtilegt en um leið krefjandi.  Við skólann starfa um 35 fagmenntaðir kennarar sem þjónusta um 400 nemendur.  Skólinn heldur óteljandi námskeið og býður nemendum upp á þátttöku í ýmsum hljómsveitum allt frá rapp- og hipphoppsveitum til háklassískrar sinfóníuhljómsveitar og strengjasveita. Núverandi skólastjóri Tónlistarskólans er Hjörleifur Örn Jónsson og aðstoðarskólastjóri Kolbrún Jónsdóttir.

Tónlist er fyrir alla, krakka með hár, kalla með skalla og allt þar á milli!

SkonRokk hópurinn hefur algjörlega slegið í gegn og fest sig í sessi tónleikaunnenda. Nú verður 80´s áratugunum beggja vegna gerð góð skil.

Magni, Eyþór Ingi, Birgir Haralds (Gildrunni), Pétur "Jesú" Guðmundsson og Eiríkur Hauksson ásamt hinni mögnuðu hljómsveit Tyrkja Guddu, munu flytja öll gæsahúðarlögin frá þessu magnaða tónlistartímabili í rokksögunni.

Hægt er að finna SkonRokk hópinn á Fésbókinni undir Tyrkja Gudda og allar hugmyndir að lagavali eru vel þegnar. Taktu þátt í að gera frábæran viðburð enn betri. Kannski vinnur þú miða á tónleikanna?

Óskar Pétursson tekur á móti landsþekktum listamönnum við undirleik hljómsveitar skipuð norðlensku tónlistarfólki.

Sannarlega er komin hefð á að Óskar Pétursson taki á móti landsþekktum listamönnum um páskana í Hofi en þetta er fjórða árið í röð sem að Óskar býður til sín gestum í Hamraborg. Á meðal gesta undanfarin ár hafa verið Örn Árnason, Kristján Jóhannsson, Valgeir Guðjóns, Eyþór Ingi og fleiri. Gestir Óskars páskana 2014 verða kynntir þegar að nær dregur.

Það má reikna fastlega með Óskar og gestir fari út um víðan völl hvort sem um er að ræða grín eða söng.

Uppáhalds jólatónleikar Íslendinga verða haldnir í sjöunda sinn þann 14. desember næstkomandi og að venju verður gestalistinn glæsilegur og umgjörðin einstaklega tilkomumikil.

Gestgjafinn:
Björgvin Halldórsson

Jólagestir í ár:
Arnór Dan Arnarson
Eivör
Eyþór Ingi Gunnlaugsson
Gissur Páll Gissurarson
Helgi Björnsson
Hulda Björk Garðarsdóttir
Ragnhildur Gísladóttir
Unnsteinn Manuel Stefánsson
Sigríður Thorlacius
Svala Björgvins

Sérstakur gestur:
John Grant

Jólastjarnan
Söngvakeppnin Jólastjarnan verður auðvitað á sínum stað en þar fá krakkar 16 ára og yngri tækifæri til að láta ljós sitt skína. Sigurvegarinn kemur fram á tónleikunum eins og fyrri ár. Skráning stendur yfir Vísir.is/jolastjarnan til 23. okt. og fylgst verður náið með framvindu mála í Íslandi í dag á Stöð 2.

Jonathan Wilson og hljómsveit heldur tónleika í Kaldalóni mánudagskvöldið 25. nóvember 2013 kl. 20:00. Snorri Helgason og hljómsveit hitar upp.

Tónleikarnir marka upphaf tónleikaferðar Jonathan Wilson og hljómsveitar um Evrópu til að fylgja eftir útgáfu hljómplötunnar Fanfare. Fanfare kemur út hjá Bella Union 14. október næstkomandi og er beðið með mikilli eftirvæntingu. Samstarfsaðilar Wilsons á plötunni er meðal annars Graham Nash, David Crosby og Jackson Browne. Fyrri plata Wilson, Gentle Spirit,  kom út 2011 hlaut frábæra dóma og endaði ofarlega á ótal árslistum tónlistartímarita það ár.

Snorri Helgason gaf nýverið út sína þriðju sólóskífu, plötuna Autumn Skies.

Tónleikarnir eru samstarfsverkefni tónleikafélagsins Ballöðu og tónlistarhátíðarinnar Rauðasandur Festival.

Helga Möller í 40 ár
Ferils- og Jólatónleikar

Helga Möller hefur verið ein ástsælasta söngkona landsins síðastliðna áratugi þar sem hún hefur komið víða við.  Ferill hennar hefur til þessa verið afar fjölbreyttur og lög hennar átt miklum vinsælda að fagna meðal landsmanna.  Hún er hvað þekktust fyrir að syngja með dúettnum Þú og Ég ásamt Jóhanni Helgasyni sem átti marga slagara á seinni hluta síðustu aldar.  Helga var hluti af Icy tríóinu sem fór með Gleðibankann í Eurovision fyrir hönd Íslands í fyrsta skipti árið 1986.  Helga hefur einnig sungið fjöldan allan af jólalögum og árlegir jólatónleikar hennar hafa fest sér vel í sessi síðastliðin ár.

Í tilefni af 40 ára starfsafmæli Helgu mun hún ásamt úrvalsliði hljóðfæraleikara og gestasöngvara halda tónleika í Austurbæ þ. 30 nóvember. Fyrri hluti tónleikanna verður tileinkaður farsælum ferli
Helgu þar sem flutt verða fjölmörg af hennar bestu lögum og mun hún njóta dyggrar aðstoðar margra listamanna sem hafa unnið með henni í gegnum tíðina.  Jólin verða í aðalhlutverki eftir hlé þar sem Helga mun sjá um að koma fólki í jólaskap með sínum allra vinsælustu jólalögum.
Hljómsveitarstjóri verður enginn annar en Gunnar Þórðarson og mun Örn Árnason leikari sjá um að kynna tónleikana með sinni alkunnu snilld.

Hljómsveitina skipa:
Gunnar Þórðarson – gítar
Þórir Úlfarsson hljómborðs
Einar Valur Scheving trommur
Stefán Örn Gunnlaugsson hljóðmborð
Jón Rafnsson bassi
Vilhjálmur Guðjónsson gítar/saxófónn

Bakraddir:
Eva Ásrún Albertsdóttir
Erna Þórarinsdóttir
Stefán Örn Gunnlaugsson

Sérstakir gestir verða:
Hljómsveitin Celcíus
Dúettinn Þú og Ég – Helga Möller og Jóhann Helgason Eiríkur Hauksson Geirmundur Valtýsson Snörurnar Elísabet Ormslev
Stefán Hilmarsson

Jólatónleikar Baggalúts

Baggalútur heldur árvissa jólatónleika sína á aðventunni í Háskólabíói. Gull-, látúns-, og flauelsbarkar sveitarinnar sjá um að koma gestum í jólafílinginn með fulltingi einvalaliðs hljóðfæraleikara, tæknimanna, sviðshönnuði og ljósameistara. Í bland við sívinsæla jólaslagara og aðventusmelli leikur sveitin lög af glænýrri hljómskífu, sem tekin var upp í köntríkauptúninu Nashville í haust.

Vinsamlegast fjölmennið.

Jólin koma með Frostrósum!

Vinsælasti tónlistarviðburður allra tíma hér á landi kveður með óviðjafnanlegum lokatónleikum.

Fram koma dívurnar; Margrét Eir, Hera Björk, Hansa, Regína Ósk og Vala Guðna, tenorarnir Garðar Thór Cortes, Jóhann Friðgeir og Kolbeinn Ketilsson auk stórsöngvaranna Friðriks Ómars og Páls Rósinkranz.

Sérstakir gestir eru hinn norski drengjasopran Marcus Dawson og þær Erna Hrönn, Heiða Ólafs, Gréta Salóme og Guðrún Árný

Þeim til halds og trausts verður 30 manna Stórhljómsveit Frostrósa undir stjórn Árna Harðarsonar, Karlakórinn Fóstbræður, félagar úr Vox feminae, Cantabile og Kvennakór Domus Vox auk Stúlknakórs Reykjavíkur og Íslenska gospelkórnum ásamt fleirum.

Öllu verður tjaldað til og verða þetta án vafa viðamestu tónleikar síðari ára á Íslandi. Höllin verður færð í sannkallaðan Frostrósabúning og hátt í 300 manns munu færa okkur jólin á stærsta sviði landsins skreyttu nýrri og glæsilegri sviðsmynd.

Eigum saman ógleymanlega stund í Höllinni fyrir jólin.
Því fyrst koma Frostrósir – svo koma jólin.

3 Raddir & Beatur svíkja ekki landann um jólatónleika þetta árið frekar en hin fyrri. Á dagskránni verða gamanmál og gylltir tónar sem tryggja að við svífum saman inn í birtuna og ylinn sem lýsa upp skammdegið... en samt ekki of hátíðlegt þið vitið.

Tónleikarnir hefjast kl 21:03 stundvíslega.

Í ár er hægt að fá "dinner and a show" og leyfa bragðlaukunum að taka þátt í að njóta kvöldsins. Borðapantanir eru í síma 5512442

Þorláksmessutónleikaröð Bubba Morthens á Akranesi, Akureyri og í Hörpu

Þorláksmessutónleikar Bubba Morthens eru ómissandi liður í undirbúningi jóla hér á landi, hvort sem fólk mætir á sjálfa tónleikana eða hlustar á þá í útvarpi á meðan jólaundirbúningurinn er kláraður heima fyrir. Þessir tónleikar eru þeir 29undu í þessari einstöku, árlegu tónleikaröð en tónleikarnir fara nú fram í annað sinn í Eldborgarsal Hörpu.

Þorláksmessutónleikarnir aftur á þremur stöðum
Í fyrra var Bubbi með tónleika á Akureyri og Akranesi og er skemmst frá því að segja að uppselt var á Akureyri og vel mætt á Akranesi. Tónleikarnir á Akranesi verða 19. desember, 21. desember norðan heiða. Munu tónleikarnir á bæði Akranesi og á Akureyri verða með sama sniði og hinir venjubundnu þorláksmessutónleikar sunnan heiða.

Smelltu hér til að kaupa miða á Akranesi
Smelltu hér til að kaupa miða í Hörpu

Þorláksmessutónleikaröð Bubba Morthens á Akranesi, Akureyri og í Hörpu

Þorláksmessutónleikar Bubba Morthens eru ómissandi liður í undirbúningi jóla hér á landi, hvort sem fólk mætir á sjálfa tónleikana eða hlustar á þá í útvarpi á meðan jólaundirbúningurinn er kláraður heima fyrir. Þessir tónleikar eru þeir 29undu í þessari einstöku, árlegu tónleikaröð en tónleikarnir fara nú fram í annað sinn í Eldborgarsal Hörpu.

Þorláksmessutónleikarnir aftur á þremur stöðum
Í fyrra var Bubbi með tónleika á Akureyri og Akranesi og er skemmst frá því að segja að uppselt var á Akureyri og vel mætt á Akranesi. Tónleikarnir á Akranesi verða 19. desember, 21. desember norðan heiða. Munu tónleikarnir á bæði Akranesi og á Akureyri verða með sama sniði og hinir venjubundnu þorláksmessutónleikar sunnan heiða.

Bylgjan í beinni frá Hörpu á þorláksmessu
Að venju verður útvarpað frá tónleikunum á Bylgjunni og Bubbi mun halda sínar föstu hefðir með tímasetningu og hefjast tónleikarnir stundvíslega kl 22:00

Smelltu hér til að kaupa miða á Akranesi
Smelltu hér til að kaupa miða á Akureyri

Þorláksmessutónleikaröð Bubba Morthens á Akranesi, Akureyri og í Hörpu

Þorláksmessutónleikar Bubba Morthens eru ómissandi liður í undirbúningi jóla hér á landi, hvort sem fólk mætir á sjálfa tónleikana eða hlustar á þá í útvarpi á meðan jólaundirbúningurinn er kláraður heima fyrir. Þessir tónleikar eru þeir 29undu í þessari einstöku, árlegu tónleikaröð en tónleikarnir fara nú fram í annað sinn í Eldborgarsal Hörpu.

Þorláksmessutónleikarnir aftur á þremur stöðum
Í fyrra var Bubbi með tónleika á Akureyri og Akranesi og er skemmst frá því að segja að uppselt var á Akureyri og vel mætt á Akranesi. Tónleikarnir á Akranesi verða 19. desember, 21. desember norðan heiða. Munu tónleikarnir á bæði Akranesi og á Akureyri verða með sama sniði og hinir venjubundnu þorláksmessutónleikar sunnan heiða.

Smelltu hér til að kaupa miða á Akureyri
Smelltu hér til að kaupa miða í Hörpu

Jólatónleikar Kristjáns Jóhannssonar verða haldnir í Eldborg Hörpu þann 8. desember 2013 og hefjast kl. 20.

Um glæsilega jólatónleika er að ræða en ásamt Kristjáni munu m.a. stíga á svið Dísella Lárusdóttir, Kristinn Sigmundsson og Þóra Einarsdóttir. Stór kvenna- og stúlknakór verður einnig með á sviðinu og verður undir stjórn Margrétar J. Pálmadóttur. Þá mun 30 – 40 manna sinfóníuhljómsveit leika með undir stjórn Guðmundar Óla Gunnarssonar en hann hefur stýrt Sinfóníuhljómsveit Norðurlands frá upphafi. Konsertmeistari verður Sigrún Eðvaldsdóttir.

Þetta verða léttklassískir og hátíðlegir jólatónleikar með fjölda þekktra jólalaga. Dagskráin leggur upp með að færa áhorfendum fagra hljóma, gleði og hátíðarstemmingu.