Katie Buckley hörpuleikari og Frank Aarnink slagverksleikari ásamt Kristni Árnasyni gítarleikara frumflytja verk eftir Áskel Másson.
„Það er ávallt heiður að fá að vinna með fólki eins og þeim Katie, Frank og Kidda. Samstarf okkar að flestum þessum verkum má rekja minnst þrjú ár aftur í tímann. Hvert þessara verka hefur þó sínar eigin forsendur fyrir tilurð sinni og nefna má, að verkin sem hér verða frumflutt eru annars vegar fyrsta verk sem ég skrifa fyrir Duo harpverk saman (Arabesques) og þriðja verkið sem ég skrifa fyrir slagverksmeistarann Gert Mortensen (B2B), en með flutningi þessum hefur Frank flutt þau öll á Íslandi“. Áskell Másson