Osmo Vänskä hlaut Grammy-verðlaunin 2014 ásamt Minnesota hljómsveitinni fyrir hljómdisk með 1. og 4. sinfóníu Sibel- iusar og nú gefst aðdáendum Osmos tækifæri til að hlýða á túlkun hans á 3. sinfóníunni í meðförum Sinfóníuhljóm- sveitar Íslands.
„Osmo Vänskä er lifandi gersemi, maður sem kemur með frískandi norræna sýn
á gamla stríðshesta eins og Beethoven og Bruckner og leyfir okkur að njóta þessarar dásamlegu tónlistar upp á nýtt.“ (K. Beach í gagnrýni um nýjan disk með 4. sinfóníu Bruckners).
Jean Sibelius dvaldi um eins árs skeið í Vínarborg frá haustinu 1890, sótti einkatíma í tónsmíðum og naut lysti- semda borgarinnar. Meðal annars var hann viðstaddur frumflutning á nýrri gerð Bruckners á 3. sinfóníunni í Vín,
í Musikverein-salnum. Sautján árum síðar var komið að honum að semja sína þriðju sinfóníu.
3. sinfónía Bruckners er gjarnan kölluð Wagner-sinfónían en Bruckner var mikill aðdáandi óperutónskáldsins og tileinkaði honum hljómkviðuna.