Sinfóníuhjómsveit Íslands
Skálmöld og Sinfóníuhljómsveit Íslands
Sinfóníuhljómsveit Íslands og hljómsveitin Skálmöld sameina krafta sína á tónleikum í Eldborg. Skálmöld hefur vakið mikla athygli á undanförnum árum fyrir kraftmikla tónlist og líflega sviðsframkomu. Þá hafa kjarnmiklir textar hljómsveitarinnar átt sinn þátt í að skapa henni breiðan aðdáendahóp.
Tónlist Skálmaldar er þungarokk með þjóðlaga- og víkingaáhrifum og verður magnað að sjá þessar tvær kraftmiklu hljómsveitir sameinast á sviði. Á efnisskránni verður meðal annars tónlist af plötum Skálmaldar, Baldri og Börnum Loka.
Tónskáldið Haraldur V. Sveinbjörnsson færir víkingaskotinn þungmálm Skálmaldar í sinfónískan búning.
Sinfóníuhljómsveit Íslands hefur á undanförnum árum boðið hljómsveitum og listamönnum úr ólíkum áttum til samstarfs við sig. Afrakstur þessa samstarfs er margir eftirminnilegir tónleikar.
Hljómsveitarstjórinn Bernharður Wilkinson hefur starfað með hljómsveitinni í hartnær fjóra áratugi og stjórnað mörgum af vinsælustu tónleikum hennar.
Bernharður Wilkinson
hljómsveitarstjóri