Sinfóníuhjómsveit Íslands
Jólatónleikar
Jólatónleikar Sinfóníuhljómsveitarinnar hafa notið gífurlegra vinsælda og eru fastur liður í jólahaldi margra fjölskyldna á Íslandi. Í ár, sem endranær, verður hátíðleikinn í fyrirrúmi þar sem sígild jólalög og klassísk balletttónlist er í forgrunni.
Ungir trompetleikarar þeyta lúðra sína með glæsilegu lagi Íslandsvinarins Leroys Anderson og nemendur Listdansskóla Íslands túlka Dans snjókornanna úr hinum sívinsæla ballett Tsjajkovskíjs, Hnotubrjótnum. Einsöngvarar jólatónleikanna, Sigrún Hjálmtýsdóttir og Kolbrún Völkudóttir, ásamt kórstúlkum úr Langholtskirkju og Vox Signum, flytja úrval innlendra og erlendra jólalaga sem koma öllum í sannkallað hátíðarskap.
Sú hefð hefur skapast á Jólatónleikum Sinfóníuhljómsveitarinnar að flytjendur ásamt áheyrendum sameinast í fjöldasöng á jólasálminum Heims um ból, í ár með bjöllukór Tónlistarskóla Reykjanesbæjar sem hringir inn jólin. Það er því óhætt að fullyrða að hátíðleg jólastemningin fylli Eldborgarsal Hörpu á jólatónleikum Litla tónsprotans.
Kynnir á tónleikunum er leikarinn góðkunni, Gói, sem hefur notið mikilla vinsælda fyrir vandaðan flutning á fjölbreyttum verkum fyrir börn og fullorðna. Tónleikarnir verða túlkaðir á táknmáli.
Sigurður Ingvi Snorrason
Jólaforleikur
G.Wyle & E.Pola
Hátíðirnar
Erlend jólalög
Jólasyrpa fyrir bjöllukór
Leroy Anderson
Bugler’s Holiday
John Rutter
Jesus Child
Pjotr Tsjajkovskíj
Dans snjókornanna úr Hnotubrjótnum
Sígildir jólasöngvar
Bernharður Wilkinson
hljómsveitarstjóri
Gói kynnir
Sigrún Hjálmtýsdóttir og Kolbrún Völkudóttir
einsöngvarar
Ungir trompetleikarar
Nemendur úr Listdansskóla Íslands
Bjöllukór Tónlistarskóla Reykjanesbæjar
Krúttakór Langholtskirkju
Kórskóli Langholtskirkju
Graduale Futuri
Gradualekór Langholtskirkju
Vox Signum