Clik here to view.
Sinfóníuhjómsveit Íslands
Bartók og Schumann
Bandaríski píanósnillingurinn Jonathan Biss er einn af eftirtektarverðustu píanóleikurum sem komið hefur fram á sjónarsviðið á undanförnum árum. Sérstaklega hefur túlkun hans á verkum Schumanns og Beethovens vakið mikla athygli. Biss hefur að undanförnu helgað sig píanótónlist Schumanns og leikið verk hans á yfir fimmtíu tónleikum um allan heim. Það er því sérstakt tilhlökkunarefni að heyra þennan frábæra píanóleikara leika ljóðrænan píanókonsert Schumanns sem Clara Schumann flumflutti með Gewandhaus hljómsveitinni í Leipzig á nýársdag 1846.
Konsert fyrir hljómsveit er eitt af síðustu tónverkum sem ungverska tónskáldið Béla Bartók samdi. Verkið var pantað af Sinfóníuhljómsveitinni í Boston og Serge Koussevitzky og gerir það miklar kröfur til hljómsveitarinnar og fær hver hljóðfærahópur að láta ljós sitt skína. Þessi stórkostlegi konsert er eitt af lykiltónverkum 20. aldarinnar.
Body Mandala eftir breska tónskáldið Jonthan Harvey var samið þegar hann var staðartónskáld Skosku BBC-hljómsveitarinnar. Verkið er innblásið af búddatrú og menningarheimi Austurlanda sem var tónskáldinu hugleikinn.
Jonathan Harvey
Body Mandala
Robert Schumann
Píanókonsert í a-moll
Béla Bartók
Konsert fyrir hljómsveit
Ilan Volkov
hljómsveitarstjóri
Jonathan Biss
einleikari
