Kom vornótt og syng
Karlakór Reykjavíkur heldur árlega vortónleika sína í Langholtskirkju í byrjun apríl.
Væntanlegt söngferðalag kórsins til Pétursborgar í Rússlandi síðar á þessu ári litar dagskrá tónleikanna því rússnesk lög munu hljóma í bland við íslensk, skandinavísk, bresk og kanadísk.
Þá staldrar kórinn við og minnist Jóns frá Ljárskógum en í ár er liðin öld frá fæðingu hans. Jón léði Karlakór Reykjavíkur rödd sína um nokkurra ára skeið á fjórða áratug síðustu aldar og yfirskrift vortónleikanna, Kom vornótt og syng, er sótt í kvæði hans Næturljóð sem sungið er við fallega noktúrnu Frédérics Chopin.
Einsöngvari á tónleikum kórsins þetta árið er Natalía Druzin Halldórsdóttir mezzósópran. Hún lauk fullnaðarprófi í söng árið 2006 og hefur komið víða fram, m.a. í Íslensku óperunni og sem einsöngvari á útvarpstónleikum með Sinfóníuhljómsveit árið 2009. Karlakór Reykjavíkur væntir mikls af samstarfi við þessa raddfögru söngkonu.
Einsöngvarar á tónleikum kórsins þetta árið eru tveir. Annars vegar Natalía Druzin Halldórsdóttir mezzósópran. Hún lauk fullnaðarprófi í söng árið 2006 og hefur komið víða fram, m.a. í Íslensku óperunni og sem einsöngvari á útvarpstónleikum með Sinfóníuhljómsveit árið 2009. Karlakór Reykjavíkur væntir mikls af samstarfi við þessa raddfögru söngkonu. Hinsvegar Benedikt Gylfason drengjasópran en hann vakti mikla hrifningu áhorfenda er hann söng einsöng á aðventutónleikum kórsins í desember síðastliðnum.
Anna Guðný Guðmundsdóttir leikur á flygilinn á tónleikunum og stjórnandi Karlakórs Reykjavíkur er Friðrik S. Kristinsson.