Genesis gengið og Græni hatturinn kynna:
The Lamb lies Down on Broadway.
Bestu lög Genesis í flutningi frábærra tónlistarmanna.
Eftir tvenna frábæra tónleika fyrir fullu húsi í Salnum þá kemur Genesis gengið á Græna hattinn Akureyri 29. mars.
Tónleikarnir eru í tilefni þess að 40 ár eru liðin frá útgáfu sjöttu plötu hljómsveitarinnar Genesis, The Lamb lies down on Broadway. Platan er eitt af helstu stórvirkjum rokktónlistarsögunnar og var sjötta hljómplata hljómsveitarinnar Genesis og sú síðasta sem söngvarinn Peter Gabriel tók þátt í. Hljómplatan vakti mikla athygli og þá ekki síður tónleikaferðin sem fylgdi í kjölfarið. Í tilefni af 40 ára útgáfuafmælinu ætlar 8 manna hljómsveit, skipuð einvala liði íslenskra og erlendra tónlistarmanna að flytja valin lög af plötunni ásamt úrvali af eldri og yngri lögum Genesis.
Þetta eru tónleikar sem enginn tónlistaráhugamaður má láta framhjá sér fara.
Genesis hópinn skipa: Arnar Sebastian Gunnarsson, söngur, Árni Steingrímsson, gítar Bjarni Þór, söngur, Björn Erlingsson, bassi Don Eddy, þverflauta, saxófónn, gítar og hljómborð Jósep Gíslason, píanó og hljómborð Nathalie Eva Gunnarsdóttir, söngur Sigurður Guðni Karlsson, trommur og slagverk