Mammút sendi frá sér sína þriðju breiðskífu í október sl. „Komdu til mín svarta systir“. Plötunni hafði verið beðið með mikilli eftirvæntingu enda fimm ár síðan platan „Karkari“ hafði komið út og er óhætt að segja að biðin hafi verið þess virði.
„Komdu til mín svarta systir“ var valin besta plata ársins að mati álitsgjafa Fréttablaðsins og hlaut sveitin 7 tilnefningar til Íslensku Tónlistarverðlaunanna auk þess sem Kraumur tónlistarsjóður verðlaunaði plötuna sem eina af plötum ársins.
Mammút eru þekkt fyrir kraftmikla og flotta sviðsframkomu og má því enginn missa af þessu einstaka tækifæri að sjá Mammút í einum fallegasta tónleikasal landsins.
18 ára aldurstakmark