Í tilefni útkomu breiðskífunar Þar er heimur hugans, mun hljómsveitin Eldberg halda útgáfutónleika í Tjarnarbíói föstudagskvöldið 20. mars. Á tónleikunum mun sveitin flytja Þar er heimur hugans í heild sinni, aðeins í þetta eina skipti, auk þess að leika eldra efni.
Hljómsveitin Eldberg var stofnuð síðla árs árið 2008. Fyrsta plata sveitarinnar sem er samnefnd hljómsveitinni kom út árið 2011. Platan fékk góðar viðtökur og hljómuðu lög eins og Sunnan við sól, austan við mána, Ég er lífsins brauð og Enginn friður ósjaldan á öldum ljósvakans. Í kjölfar útgáfu plötunnar spilaði sveitin víða um land við góðar undirtektir.
Nokkru síðar var lagt af stað í annað metnaðarfullt verkefni sem nú lítur dagsins ljós. Hljómsveitin hefur ekki leikið opinberlega frá árinu 2012 og verður því öllu tjaldað til á tónleikunum.
Eldberg
Ásmundur Svavar Sigurðsson
Eyþór Ingi Gunnlaugsson
Heimir Klemenzson
Jakob Grétar Sigurðsson
Reynir Hauksson
Húsið opnar kl. 20:00 og hefjast tónleikarnir kl. 21:00
Miðaverð í forsölu 2.000 kr. Miðaverð við hurð 2.500 kr.
Athugið að fimmtudaginn 4. mars, fyrsta dag forsölu, kostar miðinn aðeins 1500 kr.
Plötur sveitarinnar verða til sölu á tónleikunum á sérstöku tilboðsverði.
