Jólatónleikar Gospelskórs Akureyrar verða í Hofi sunnudagskvöldið 7. desember kl. 20.00.
Að þessu sinni verður dagskráin með glæsilegasta móti en þess má geta að kórinn á 10 ára afmæli um þessar mundir. Af því tilefni koma stofnendur kórsins og stórsöngvarar Sigurður Ingimarsson og Rannvá Olsen og syngja með kórnum. Einnig mun hinn magnaði Magni Ásgeirsson troða upp með kórnum. Það má því búast við fjölbreyttum tónleikum sem enginn vill missa af á aðventunni, Meðal laga sem sungin verða eru Joy to the world, Have your self a merry little christmas, Don't save it all, Hin fyrstu jól og Ó helga nótt, svo fáein séu nefnd.
Hljómsveitina skipa Ingvar Leví Gunnarsson á gítar, Stefán Gunnarssson á bassa, Kristján Edelstein á rafgítar, Risto Laur á píanó, Valgarður Óli Ómarsson á trommum og Haukur Pálmason á slegverki og hljómborði. Stjórnandi: Heimir Ingimarsson.
