Hljómsveitin Hjálmar var stofnuð í Keflavík árið 2004 og fagnar því 10 ára afmæli í ár. Alls hafa hjálmar gefið út 5 breiðskífur og eina safnplötu en nýjasta plata sveitarinnar, Órar kom út haustið 2011. Á henni kvað við nýjan og rafvæddari hljóm á köflum og augljóst var að hljómsveitin var þar að kanna nýjar slóðir. Platan var tilnefnd til Íslensku tónlistarverðlaunanna sem Plata ársins.
Segja má að lítið farið fyrir hjálmum undanfarið enda hafa tveir meðlimir hennar verið búsettir erlendis. Nýverið sendi hljómsveitin þó frá sér lagið LOF sem er ákveðið afturhvarf til gamla hjálma-sándsins og ljóst er að margir aðdáendur hjálma hafa beðið eftir því í nokkurn tíma. Lagið sem er eftir Þorstein Einarsson er fáanlegt á Tónlist.is en einnig má hlýða á það á Youtube.
Vinsamlegast athugið
18 ára aldurstakmark er á viðburðinn.