Flaming Lips munu ásamt The War on Drugs loka Iceland Airwaves tónlistarhátíðinni sunnudaginn 9. nóvember í Valsheimilinu að Hlíðarenda. Takmarkað magn miða er nú sett í umferð fyrir þá sem vilja tryggja sér miða á þennan magnaða viðburð!
Flaming Lips hefur verið starfandi síðan á 9. áratug síðustu aldar og hefur skipað sér í sessi áhugaverðustu rokksveita síðustu ára. Bandaríska sveitin The War on Drugs gáfu nýverið út sína þriðju breiðskífu við mikið lof gagnrýnenda.
Tónleikar þessa sveita á Iceland Airwaves eru eitthvað sem enginn tónlistarunnandi má láta framhjá sér fara en engu verður til sparað í uppsetningu og umgjörð lokatónleikanna.
Almennur Iceland Airwaves miði veitir aðgang að tónleikunum Flaming Lips og The War on Drugs með sama hætti og á aðra tónleika hátíðarinnar en takmarkað magn af miðum, 2200 samtals, verður í boði. Miðunum verður dreift til miðahafa Iceland Airwaves án endurgjalds föstudaginn 7. nóvember kl. 12 í Hörpu eftir „fyrstur kemur, fyrstur fær“ reglunni. Eitt armband = einn miði á Flaming Lips.
Vinsamlegast athugið
20 ára aldurstakmark er á viðburðinn.