Sinfóníuhjómsveit Íslands
Dúett og Debussy
Breski píanóleikarinn Nicolas Hodges þykir einn af fremstu píanistum heims þegar tónverk 20. aldar og samtímatónlist eru annars vegar. Hann flytur tvo af eftirtektarverðustu píanókonsertum síðari tíma; hinn magnaða píanókonsert eftir rúmenska tónskáldið György Ligeti, en verkið gerir miklar kröfur til hljómsveitar og einleikara, og Duet eftir hljómsveitarstjóra tónleikanna, George Benjamin. Í verkinu Duet stillir tónskáldið einleikaranum og hljómsveitinni upp sem andstæðum pólum og er útkoman sérlega kraftmikil og áhugaverð.
George Benjamin stjórnar reglulega hljómsveitum á borð við London Sinfonietta, Ensemble Intercontemporain, Concertgebouw og Berlínarfílharmóníuna. Benjamin nam tónsmíðar hjá Olivier Messiaen, Yvonne Loriod og Alexander Goehr.
Upphafs- og lokaverk tónleikanna eru eftir franska tónskáldið Claude Debussy sem er eitt lykiltónskálda impressjóníska tímabilsins. Píanósvítuna Children´s Corner samdi Debussy og tileinkaði dóttur sinni. Danska tónskáldið Hans Abrahamsen hefur nú fært þetta fallega verk í hljómsveitarbúning sem heyrist hér á landi í fyrsta sinn. Hljómsveitarverkið La mer, Hafið, samanstendur af þremur sinfónískum skissum. Hér fangar Debussy andrúmsloft og blæbrigði hafsins á stórbrotinn hátt, undiröldu og ógnarkrafta án stefnu.
Claude Debussy
Children´s Corner – úts. Hans Abrahamsen
György Ligeti
Píanókonsert
George Benjamin
Duet
Claude Debussy
La mer
George Benjamin
hljómsveitarstjóri
Nicholas Hodges
einleikari