Yfir 100 sjónvarpsþættir, 3 gríðarvinsælar kvikmyndir, metsölu- og verðlaunabækur og óteljandi framkomur á allskonar skemmtunum hafa gert Sveppa og Villa rosa vinsæla á Íslandi og þegar þessir strákar geta líka gert fullt af frábærum lögum, spilað og sungið þá er óhjákvæmilegt að þeir haldi Risa tónleika og nú er komið að því.
Síðastliðið vor kom út hljómplatan Sveppi og Villi gera plötu.
Í sjónvarpsþáttunum flytja þeir oft frumsamin lög, enda hæg heimatökin því Villi er forsprakki og aðal lagahöfundur rokktríósins 200.000 naglbíta. Lögin á plötunni, fjalla öll um það sem þeir félagar taka sér fyrir hendur. Til dæmis þegar Villa var breytt í rottu, þegar þeir röðuðu dómínókubbum um allt herbergið og þegar Sveppi var veikur og komst ekki út að leika, svo eitthvað sé nefnt.
Á Risa tónleikum Sveppa og Villa koma fram: 7 manna Rokkhljómsveit Sveppa og Villa undir stjórn Vignis Snæs, mamma Sveppa og sérstakur leynigestur: Gói
Risa svið, svaka ljósashow, reykur og alvöru hljóðkerfi. Allt frá Hljóð X.
Nú geta allir farið á Risa tónleika.