Undanfarin ár hafa drengirnir í Johnny And The Rest látið lítið fyrir sér fara enda nóg að gera í víleringum og díleringum í borg óttans hér lengst í norðri. Nú rís svanur hins vegar úr óskustó og er ný plata tilbúin frá sveitinni. Ber hún heitið Wolves in the night og hefur að geyma lög á borð við Mamaganja sem fengið hefur afbragðs viðtökur á öldum ljósvakans.
Í tilefni breiðskífunnar verður blásið til veglegra útgáfutónleika í Tjarnarbíói þann 20. desember næstkomandi. Húsið opnar klukkan 20 og mun hljóðveislan hefjast með gúrmei upphitunaratriði sem tilkynnt verður á næstu dögum! Ekki missa af veislunni, smakkaðu enn einn molann af því eyrnakonfekti sem finna má í íslenskri tónlistarflóru!
Forsöluverð á midi.is og öðrum söluaðilum 1500 krónur. 2000 kr. í hurð. Platan verður á sérstöku tilboðsverði og veglegar veitingar í boði! Ekki láta þig vanta! Komdu og fagnaðu með okkur!