LungA - Listahátíð Ungs Fólks er glæsileg listahátíð haldin á Seyðisfirði nú í 14. sinn. Skapandi ungmenni hvaðan af á landinu streyma til bæjarins og búa saman til, ekki aðeins frábæra stemmningu, heldur einnig áhugaverða list. Eftir heila viku af glæsilegum viðburðum á borð við vinnusmiðjur, gjörninga og hönnunar og listasýningar, þýðir ekkert minna en að fagna rækilega.
Því hafa lokatónleikar LungA fest sig í sessi sem rúsínan í pylsuendanum, tyggjókúlan í trúðaísnum - konfetti sprengjan í lok hátíðarinnar.
LungA leggur sig fram við að bjóða upp á fjölbreytt og spennandi úrval lista alla hátíðina og eru tónleikarnir engin undantekning. Blanda af ungum og ferskum hljómsveitum, eldri og reyndari böndum, mismunandi tónlistarstefnum og hljómsveitum frá Íslandi og erlendis frá.
Tónleikarnir fara fram á tveimur sviðum og plötusnúðar munu leika fyrir dansi eftir að tónleikum líkur.
Það ætti því enginn að verða fyrir vonbrigðum við að fjárfesta í miða á tónleikana sem fara fram á útisviði LungA í faðmi fjalla Seyðisfjarðar laugardagskvöldið 20. júlí:
Fm Belfast
Rangleklods (DK)
Ghostigital
Mammút
Úlfur Úlfur
Grísalappalísa
Vök
Forsala miða fer fram á midi.is á 3.900 kr til 19. júlí. Miðasala fer svo fram í Herðubreið á Seyðisfirði frá og með 19. júlí, þá kostar miðinn 4.900kr.
Early bird á 2.500 kr frá kl 12:00 fimmtudaginn 30. maí til kl 17:00 mánudaginn 3. júní, aðeins 50 miðar í boði.