Það hefur eðlilega farið minna fyrir örtúr sem Bubbi stendur fyrir í október ár hvert í aðdraganda þorláksmessu.
Þar flytur hann nýtt efni í bland við eldra og þekktara efni og nýtir örtúrinn til að púsla saman því prógrammi sem hann svo á endanum flytur á þorláksmessutónleikaröðinni sinni. Nýtt efni sem aldrei hefur heyrst áður lítur dagsins ljós. Blanda af eldra efni sem heyrist misoft og sumt afar sjaldan er einnig á dagskráinni eins og fyrr segir.
Viðkomustaðir hans á örtúrnum eru að þessu sinni:
24. október Fríkirkjan Hafnarfirði
27. október Félagheimilið Drengur í Kjós
Tónleikarnir hefjast kl. 20:30 og húsin opna 30 mínútum fyrr.
Miðasala er á midi.is og við innganginn.
Allar nánari upplýsingar er að finna á facebook síðum Bubba Morthens og umboðsskrifstofunnar Prime.