Verið hjartanlega velkomin á jólatónleika Valkyrja!
Boðið verður upp á notalega og jólalega stemningu í Landakotskirkju, þriðjudaginn 18. desember klukkan 21. Á efnisskránni má finna samansafn af íslenskum og erlendum jólalögum, auk nokkurra íslenskra kórverka. Þá mun kórinn frumflytja útsetningu á Kom þú kom vor Immanúel eftir Eygló Höskuldsdóttur Viborg, tónskáld, en hún syngur einnig með kórnum.
Valkyrjur er nýr kvennakór, stofnaður af stelpum sem hafa margar hverjar alist upp í tónlistarlífinu í Langholtskirkju og Árna Heiðari Karlssyni, sem er jafnframt stjórnandi kórsins.