Fimmtudagskvöldið 1.nóvember mun leik og söngkonan Anna Margrét Káradóttir halda tónleika á Kiki, Laugavegi 22 en henni til halds og trausts verður enginn annar en söngvarinn, gítarleikarinn og fjallabróðirinn fagri Sveinbjörn Hafsteinsson.
Tónleikarnir bera heitið Óskalögin þeirra #2 og eru hluti af tónleikaröð sem hófst fyrr í sumar með troðfullum tónleikum í Hendur í höfn, Þorlákshöfn, nánar tiltekið í heimahögum Önnu Möggu.
Anna Magga hefur undanfarið verið að safna saman óskalögum vina og vandamanna og mun flytja hluta þeirra á tónleikunum með dyggri aðstoð Svenna. Lagavalið er virkilega fjölbreytt þar sem viðmælandahópurinn er á öllum aldri!
Forsala hefst mánudaginn 10. september kl 10:00.
Hlökkum til að sjá ykkur!