Bubbi Morthens heldur hugljúfa tónleika á Valentínusardaginn,14. febrúar, í Bæjarbíói, Hafnarfirði. Í fyrra seldist upp á viðburðinn á örskömmum tíma.
Eins og alþjóð veit þá er lagasafn Bubba stórt og yfirgripsmikið, en væntanlega gera ekki allir sér grein fyrir því að þar er efni í vel rúmlega heila tónleika sem samanstanda eingöngu af ástarlögum. Bubbi verður á einlægum nótum og mun segja sögurnar sem liggja að baki sumum laganna. Einstök stund með ástsælasta tónlistarmanni Íslands.
Húsið opnar kl. 19:30 og tónleikarnir hefjast 20:30