Endalaust sumarið blásið inn á tónleikum með Sóleyju Stefánsdóttur og hljómsveit í Mengi laugardagskvöldið 6. maí klukkan 20:30.
Tilefnið er nýjasta plata Sóleyjar en Endless Summer kemur út föstudaginn 5. maí á heimsvísu hjá Morr Music.
Miðaverð: 3000 krónur.
Hljómsveit skipa:
- Sóley Stefánsdóttir: Píanó, söngur
- Albert Finnbogason: Bassi, gítar
- Katrín Helga Andrésdóttir: Píanó, söngur
- Jón Óskar Jónsson: Trommur
- Margrét Arnardóttir: Harmonikka
(Athugið þetta eru ekki útgáfutónleikar - einungis tónleikar og útgáfuhóf)
Nánar:
Nýjasta afurð Sóleyjar Stefánsdóttur Endless Summer, kemur út 5.maí á heimsvísu. Að því tilefni mun Sóley blása til tónleika og útgáfuhófs í Mengi þann 6.maí næstkomandi. Þetta er þriðja breiðskífa Sóleyjar og kveður við nýjan tón á plötunni. Platan er ögn bjartari en fyrri verk Sóleyjar, einsog vongóður vordagur sem bíður spenntur eftir hinu eilífa sumri. Sumrinu sem kemur kannski aldrei.
Eftir tónleikana verður gestum boðið að staldra við og fá sér í glas og kaupa plötu sem verður að öllum líkindum komin til landsins á geisladisk og vínyl.
Tónleikar byrja 20:30 og útgáfuhóf endar kl 23:00
