Hljómsveitin Regína hefur útsett lög Henna Rasmus í nýjan búning sem aldrei hefur heyrst áður. Lögin eru ólík allt frá tangó upp í swing, þannig að hver ætti að finna eitthvað við sitt hæfi.
Hljómsveitina skipa þau Anna Gréta Sigurðardóttir píanó, Birgir Steinn Theodorsson kontrabassi, Óskar Kjartansson slagverk og Regína Lilja Magnúsdóttir söngur. Hljómsveitin samanstendur af krökkum sem hafa stundað nám við tónlistarskóla FÍH. Þau eru öll í framhaldsdeild skólans á jazz braut, að frátöldum Óskari sem lauk skóla göngu síðastliðið vor.
Henni var fyrst skírður Sigurður Gunnar Sigurðsson en missti ungur móður sina og var þá ættleiddur af móðursystur sinni og skírður upp á nýtt Hendrik Konrad Rasmus. Frá því um miðjan fjórða áratug 20. aldar og fram á þann 6. lék hann dansmúsík og var sérstakur áhugamaður um jazz. Sem barn nam hann á píanó og lék fyrst opinberlega 13 ára gamall. Henni samdi nokkur lög sem urðu vinsæl. Hann átti fjögur lög af 10 efstu lögunum í fyrstu danslagakeppni sem haldin var í Ríkisútvarpinu árið 1938. Þetta voru lögin Viltu með mér vaka í nótt, Það var um haustkvöld, Anna-Maja og Manstu. Nokkur af lögum Henna voru gefin út á nótnaheftum fyrir 1940 og nokkur hafa varðveist í vörslu Hrefnu Þórarinsdóttur eiginkonu Henna sem lést 2012.
Laugardagskvöldið 28 september flytur hljósveitin Viltu með mér vaka í nótt lögin hans Henna í nýjum útsetningum sem aldrei hafa heyrst áður, nokkur laganna eru frumflutt og tónleikarnir verða teknir upp.
Henni var við verkfræðinám í Þýskalandi árin 1931-1935, hann hætti námi eftir 2 ár án þess að ljúka prófi en sneri sér þess í stað að tónlistinni. Í Þýskalandi kynntist hann jazztónlistinni og var ákaflega hrifinn af henni. Þar lék hann með ýmsum hljómsveitum þangað til hann kom heim til Íslands árið 1935. Árið eftir stofnaði hann hljómsveitina Blue Boys, sem lék í KR húsinu og fleiri dansstöðum borgarinnar. 1941-42 starfaði hann í Hafnarfirði, stofnaði þar kabarett en fór jafnframt út í húsamálun ásamt öðrum tónlistarmanni Jónatani Ólafssyni. Í síldinni á Siglufirði 1940 lék hann í 2 sumur fyrir danse, en hélt sig annars að mestu við Suðurlandið. Við ballettskóla Sigríðar Ármann annaðist hann undirleik til margra ára bæði í skólanum og á danssýningum. Frá 1953 og í ein 15 ár starfaði Henni við skrifstofustörf á Keflavíkurflugvelli og lék jafnframt á samkomum þar. Þegar hér var komið var heilsan orðin heldur léleg og hann hætti að vinna. Eftir það var hann ekki í föstu starfi. Hann flutti í Kópavog árið 1958 á Hlíðarveg 62a, eitt elsta hús bæjarins, en foreldrar Henna létu smíða það hús árið 1932 og þar bjó hann til æviloka árið 1991.