Heiðurstónleika Freddie Mercuryþarf vart að kynna fyrir nokkrum íslendingi. Tónleikarnir eru þeir vinsælustu sinnar tegundar í áraraðir en alls hafa um 40 þúsund manns borið þá augum. Vegna fjölda áskoranna mætir þessi frækni hópur söngvara og hljóðfæraleikara saman á ný í Háskólabíó laugardaginn 19. október og flytja meistaraverk Freddie Mercury sem er hvað þekktastur fyrir að hafa verið forsöngvari bresku rokkhljómsveitarinnar QUEEN.
Sem fyrr mega gestir tónleikanna eiga von á stórkostlegri skemmtun þegar þau Eyþór Ingi, Eiríkur Hauksson, Friðrik Ómar, Matti Matt, Magni og Hulda Björk Garðarsdóttir þenja raddböndin ásamt hljómsveit og röddum og flytja alla helstu smelli Mercury.
Hljómsveitina skipa:
Þórir Úlfarsson, Ingi Björn Ingason, Kristján Grétarsson, Einar Þór Jóhannsson, Hannes Friðbjarnarson, Stefán Örn Gunnlaugsson og Halldór G. Hauksson.
Raddsveit Mercury:
Regína Ósk Óskarsdóttir, Alma Rut Kristjánsdóttir, Íris Hólm, Davíð Smári, Ingunn Hlín og Ína Valgerður
Hljóðmeistari: Haffi Tempó
Ljósameistari: Agnar Hermannsson