Stebbi & Eyfi fagna 25 ára afmæli dóttur sinnar, Nínu Eyjólfsdóttur.
Stiklað á stóru í gegnum Eurovision-söguna, gamanmál og gleðisöngvar úr ýmsum áttum.
Stiklað á stóru í gegnum Eurovision-söguna, gamanmál og gleðisöngvar úr ýmsum áttum.
Í maí verða 25 ár frá því að Stebbi og Eyfi flugu suður til Ítalíu á vegum ríkisins og frumfluttu þar fyrir Evrópubúa lagið um Nínu. Ekki verður sagt að Nína hafi slegið verulega í gegn í Niðurlöndum eða Norvegi, en lagið hefur þó lifað góðu lífi, fylgt þeim félögum allar götur síðan og er án efa eitt ástsælasta dægurlag seinni tíma.
Í tilefni að þessum tímamótum slá Stebbi og Eyfi upp tónleikum og þar verður Nínu auðvitað gerð góð skil, en einnig munu þar óma lög sem fylgt hafa Stebba og Eyfa í gegnum ferilinn, auk valinna Eurovisonlaga frá ýmsum tímum. Þeim félögum til fulltingis verður Þórir Úfarsson.