Sumar tónleikaferð Svavars Knúts og Kristjönu Stefáns
Jæja elsku vinir, þá er komið að því!
Vinirnir og söngvaskáldin Svavar Knútur og Kristjana Stefáns koma aftur saman á sinni árlegu sumar tónleikaferð. Kristjana og Svavar Knútur hafa undanfarin ár vakið verðskuldaða athygli fyrir stórskemmtileg dúettakvöld. Þar ríkir bæði gleði og angurværð ásamt örlitlum fíflagangi og bera þau vinirnir á borð fjölbreytta dagskrá dúetta, sem rúmar allt frá Abba til Dolly Parton með viðkomu hjá The Righteous Brothers og Páli Ísólfssyni, auk frumsaminna laga og hinna ýmsu gleði- og tregabomba, ljóðalestri og gamansagna.
Kristjana og Svavar hafa síðan 2008 haft unun af því að syngja saman dúetta og komið fram víða um land við gríðargóðar undirtektir. Þau gáfu út dúettaplötuna Glæður árið 2011 sem er löngu uppseld hjá útgefanda.
Miðaverð er kr. 3.500 og hefjast allir tónleikar kl. 20.00. Best er að tryggja sér miða í tíma, enda takmarkaður miðafjöldi í boði á hverjum stað. Börn eru hjartanlega velkomin með og ókeypis fyrir þau.
Hlökkum til að sjá ykkur!
Tónleikastaðri sumarsins eru þessir:
Fimmtud. 23. júní - Söguloftið á Landnámssetrinu í Borgarnesi
Föstud. 24. júní - Vatnasafnið á Stykkishólmi
Föstud. 1. júlí - Hendur í höfn í Þorlákshöfn
Laugard. 2. júlí - Kaffi gott á Stokkseyri
Sunnud. 3. júlí - Víkin á Sjóminjasafninu í Reykjavík
Miðvikud. 6. júlí - Sauðárkirkja, Sauðárkróki
Fimmtud. 7. júlí - Kaffi Rauðka á Siglufirði
Föstud. 8. júlí - Menningarhúsið Berg á Dalvík
Laugard. 9. júlí - Hlaðan á Litla-Garði, Akureyri
Sunnud. 10. júlí - Frystiklefinn á Rifi