SIMPLY RED
Laugardalshöll 31. maí 2016.
Kl 20:00
Kl 20:00
Ein vinsælasta hljómsveit Bretlands, frá upphafi, Simply Red, heldur sannkallaða stórtónleika í Laugardalshöll 31. maí.
Hljómsveitin, sem hefur selt yfir 60 milljón platna á ferli sínum, flytur að sjálfsögðu öll sín vinsælustu lög á hljómleikunum. Þetta verða því án efa einir flottustu tónleikar ársins 2016.Á næsta ári eru nákvæmlega 30 ár síðan Simply Red spilaði hér í sitt fyrsta og eina skipti á eftirminnilegum tónleikum í Laugardalshöll ásamt Fine Young Cannibals, Lloyd Cole and the Commotions og Madness. Þá voru þeir nýbúnir að gefa út fyrstu plötuna sína Picture Book, sem sló allrækilega í gegn hér á landi. Eftir það varð Simply Red ein vinsælasta hljómsveit heims næstu árin og, eins og áður segir, hafa selt yfir 60 milljón plötur á ferli sínum.
Mick Hucknall og félagar hafa engu gleymt og má segja að þeir hafi aldrei verið betri, með eina flottustu rödd poppsögunnar og alla sína smelli í farteskinu. Það má því búast við frábærum tónleikum þegar Simply Red stígur á svið Laugardalshallarinnar í maí á næsta ári.
Meðal laga sem búast má við að verði flutt í höllinni næsta vor:
If You Don´t Know Me By Now - For Your Babies - Stars - Money´s Too Tight (To Mention) - Fairground - Something Got Me Started - Holding Back The Years.
