Madalina Pasol - Tónlistarhátíð unga fólksins

Madalina Pasol fæddist árið 1976 inn í mikla tónlistarfjölskyldu í Búkarest. Faðir hennar var einleikssellóleikari við rúmensku útvarpshljómsveitina og afi hennar var um 40 ára skeið einleikari á kontrabassa. Jafnframt hefur bróðir hennar leikið einleik á selló með ýmsum hljómsveitum og kammerhópum.

Pasol stundaði nám við Tónlistarmenntaskóla George Enescu í Búkarest og síðar við Universität der Künste í Berlín, þaðan sem hún lauk einleikaraprófi. Hún hefur einnig sótt námskeið hjá fjölda heimsþekktra píanóleikara, þar á meðal hjá Hans Leygraf, Günter Ludwig, Martin Hughes, György Sebök og Claude Frank.

Pasol kom fyrst fram í beinni útsendingu í útvarpi átta ára gömul og lék í fyrsta skipti einleik með hljómsveit ári síðar. Hún hefur verið afar virk í tónleikahaldi allar götur síðan og komið fram á tónleikum, ýmist ein eða með öðrum, víða um heim, meðal annars í Þýskalandi, Svíþjóð, Austurríki og Japan. 

Sergei Rachmaninoff (1873-1943)

Paul Constantinescu (1909-1963)

Maurice Ravel (1875-1937)

Frederic Chopin (1810-1849)