Oreka TX er basknesk þjóðlagasveit og ein af leiðandi hljómsveitum sem kynna hljóðfærið txalaparta, sem er hljómborð úr við og steini. Harkaitz Martinez de San Vicente (f. 1975) og Mikel Ugarte (f. 1973) eru txalaparta hljóðfæraleikar OREKA TX. Hljómsveitin hóf starfsemi 2001 og lék þá undir stjórn baskneska tónskáldsins og tónlistarmannsins Kepa Junkera. Það samstarf færði þeim rómönsku Grammyverðlaunin. Oreka TX hefur verið í samstarfi við þekkta listamenn á borð við Taraf de Haidouks, Phil Cunningham og Manu Dibango. Fyrsta plata Oreka TX heitir Quercus Endorphina, framleidd af Kepa Junkera og gefin út af Elkarlanean árið 2001. Lög af þessari plötu voru í sýningunni „Txalaparta“. Oreka TX hafa einnig kynnt Txalaparta á hátíðum í Evrópu, Ameríku, Afríku og Asíu. Í fyrra gáfu þeir út plötu sem ber heitið Silex SiO2. Þar er safn nýlegra verkefna þeirra og steinahljómur txalaparta nýtur sín vel.
Ásamt Oreka TX munu koma fram í Salnum ásamt strengjasveit þeir Steindór Andersen, Hilmar Örn Hilmarsson, Páll Guðmundsson á Húsafelli sem mun einnig leika á hljómborð úr steini.