Sætabrauðsdrengirnir, Garðar Thór Cortes, Gissur Páll Gissurarson, Bergþór Pálsson og Viðar Gunnarsson, halda tónleika í Salnum 20. og 21. mars kl 20. Halldór Smárason leikur með á píanó og útsetur lögin.
Alltaf stutt í glens og gaman hjá þessum Sætabrauðsdrengjum. Þéttur hljómur við fjörugar útsetningar í fyrirrúmi!
Í þetta skiptið verða þeir á léttum nótum dægurlaga, sem allir kannast við, úr ýmsum áttum og frá ýmsum tímabilum. Allt frá ljúflingslögum Fúsa Halldórs yfir í Stína ó Stína og Hæ Mambó!
Rómó tónleikar, en bráðskemmtilegir í senn! Missið ekki af þeim!