Dægurlagapönkhljómsveitin Húfa heldur tónleika á Græna hattinum 6. desember næstkomandi , þetta eru fyrstu tónleikar þeirra félaga á Norðurlandi í fjöldamörg ár og helgast þessi skortur á spilamennsku fyrst og fremst af ákaflega lítilli eftirspurn en nú þykjast fyrrnefndir félagar merkja einhver obbolítinn áhuga hjá vinum og venslamönnum hér fyrir norðan og ætla að láta reyna á hvort þessi meinti áhugi er virkilega fyrir hendi eða hvort þetta er bara í nösunum á liðinu.
Hljómsveitin lék fyrir troðfullu húsi í Höfuðborginni fyrr á þessu ári og var það mál manna að hljómsveitin hefði heilmörgu gleymt en spilagleðin hefði bætt það sem uppá vantaði.
Hlökkum til að sjá ykkur öll
Kv Röggi , Hreinn og Fúsi
Vinsamlegast athugið
18 ára aldurstakmark er á viðburðinn.