Postnikova og Rozhdestvenskíj
Aufúsugestirnir og Íslandsvinirnir, hjónin Viktoria Postnikova og Gennadíj Rozhdestvenskíj, heiðra Sinfóníuhljóm- sveit Íslands og tónlistarunnendur enn á ný með nærveru sinni og flutningi á rússneskum öndvegisverkum. Rozhdest- venskíj er einn fremsti hljómsveitarstjóri samtímans og milli hans og Sinfóníu- hljómsveitarinnar hefur myndast náið samband sem kristallast í ógleymanlegri tónlistarupplifun.
Á efnisskránni er svíta úr ballettinum Pulcinella sem Stravinskíj byggir á stefj- um ítalska barokktónskáldsins Giovanni Battista Pergolesi og fjallar um trúðinn Pulcinella og samskipti hans við fegurra kynið og afbrýðissama unnusta.
Postnikova leikur 4. píanókonsert Rakhmanínovs sem er fagur og einkar glæsilegur. Konsertinn hefur aðeins einu sinni áður heyrst á tónleikum hljómsveit- arinnar og er þetta ekki í fyrsta sinn sem Postnikova flytur tónleikagestum sjald- heyrðar gersemar tónbókmenntanna. Tónleikunum lýkur á 3. hljómsveitarsvítu Tsjajkovskíjs sem upphaflega átti að verða hans 5. sinfónía en tók í sköpunar- ferlinu á sig aðra mynd.
Óhætt er að lofa ógleymanlegri stund þegar Gennadíj Rozhdestvenskíj stendur í brúnni á tónleikum Sinfóníuhljómsveitar Íslands.