Á meðan Kári bítur kinn og frostið gegnum allt smýgur, þá hugsum við til jólanna og ykkar kæru vinir. Okkar desember einkennist af mandarínum, laufabrauði og ljósadýrð en umfram allt tónlist og góðri samveru!
Við ætlum að vera á okkar heimavelli, Café Rósenberg í Reykjavík, laugardags- og sunnudagskvöldið 13. og 14. desember og heimsækja síðan okkar kæra Norðurland laugardagskvöldið 20. desember og halda tónleika á Græna Hattinum.
Þar munum við flytja lög af jólaplötunni okkar ásamt öðrum góðum lögum.
Með okkur verða jóladrengirnir okkar og snillingarnir þeir:
Óskar Kjartansson slagverksleikari
Tómas Jónsson hljómborðsleikari
Ingólfur Magnússon bassaleikari
Rautt í tá og bygg í maga?
Hlökkum til að sjá ykkur
Brother Grass