Queen heiðurshljómsveitin Killer Queen var stofnuð árið 2008 og er skipuð þeim Magna Ásgeirssyni (söngur), Einari Þór Jóhanssyni (gítar), Valmari Valjaots (píanó) Val Frey (trommur), Sumarliða Hvanndal (bassi) og Arnari Tryggvasyni (hljómborð).
Hljómsveitin hefur komið fram á fjölmörgum tónleikum um landið og hefur það að markmiði að heiðra hina goðsagna-kenndu bresku hljómsveit Queen. Hljómsveitin leitast við að ná fram og mynda hina sönnu live rokk tónleikastemningu sem einkenndi Queen. Meðlimir Killer Queen eru engir nýliðar í spilamennsku en valinn maður er í hverju rúmi. Magni Ásgeirs leiðir hópinn af miklum þokka og sýnir á sér sínar sterkustu rokkhliðar, Hvanndalsbræðurnar Valmar,Arnar, Val og Sumarliða þekkja auðvitað allir og halda þeir uppi þéttum rythmanum svo skjálfa tekur sviðið. Síðast en ekki síst er hrein unun að fylgjast með einum fremsta gítarleikara landsins honum Einari Þór sem gefur Bryan May ekki tommu eftir í þessu verkefni.
Dæmi um lög sem þú mátt eiga von á að heyra: Under pressure, Save me, Hammer to fall, Innuendo, Show must go on, Radio gaga, Love of my life og svo miklu miklu fleiri.
Vinsamlegast athugið
18 ára aldurstakmark er á viðburðinn.