Sky Agency kynnir risa tónleika í Laugardalshöllinni 16. júni með einum frægasta og eftirsóttasta plötusnúði heims, David Guetta, í tilefni á 25 ára afmæli FM957 í samstarfi með Burn, Dominos og Word Class. Athugið aðeins 5.500 miðar í boði.
David Guetta þarf vart að kynna en hann er ekki bara plötusnúður heldur einnig gríðarlega vinsæl poppstjarna og hefur til að mynda tímaritið Rolling Stone Magazine skrifað að "Plötusnúðar eru nýju rokkstjörnurnar” (“DJ’s are the new rock stars"), og David Guetta hefur komið fleiri lögum á vinsældarlista en nokkur annar plötusnúður. Samvinna hans við helstu stjörnur heimsins er margrómuð og stjörnur bókstaflega keppast um að fá að vinna með honum. Erfitt er fyrir aðra plötusnúða að jafna árangurinn sem David Guetta hefur sett enda er hann sá heitasti í bransanum. Það er talið að það sé þessum góðkunna Frakka að þakka að danstónlistin er álíka vinsæl og popp og rokk á vinsældarlistum um allan heim.
David Guetta gerir miklar kröfur um að sýningin verði sjónræn veisla og að hljóðið verði óaðfinnanlegt á tónleikum sem hann er með og má því búast við miklu sjónarspili í Laugardalshöllinni. Það má segja að David Guetta sé þegar orðin Íslandsvinur, hann kom hingað til lands 2008 áður en hann sló í gegn. Einnig er myndbandið af einu af vinsælustu lögum hans “She Wolf” tekið upp hér á landi.
