Guðrún Gunnarsdóttir söngkona fagnaði 50 ára afmæli á síðasta ári, og í tilefni af því kom út plata með hennar bestu lögum fyrir síðustu jól.
Platan heitir einfaldlega Bezt og er hluti af hljómplöturöð á vegum Dimmu útgáfu.
Í tilefni af bæði afmælinu og útkomu plötunnar hélt Guðrún tónleika í Salnum í byrjun nóvember, miðarnir seldust upp á örstuttum tíma og eftirspurnin var mikil, hefur því verið ákveðið að halda aukatónleika í Salnum, fimmtudagskvöldið 20.febrúar.
Á efnisskránni verða ýmis lög af ferlinum, sem spannar um 30 ár. Má þar helst nefna lög af sólóplötunum Eins og vindurinn(2004) og Umvafin englum(2008), lög af plötunni sem var til heiðurs Cornelis Vreeswijk(2009) og metsöluplötunni Óður til Ellyjar(2003) sem var tekin upp í Salnum og Guðrún hlaut Íslensku tónlistarverðlaunin fyrir árið 2003, ásamt lögum sem hafa verið algengir gestir á efnisskrá söngkonunnar í gegnum tíðina.
Hljómsveit Guðrúnar skipa þeir :
Gunnar Gunnarsson - Píanó
Ásgeir Ásgeirsson - gítar
Hannes Friðbjarnarson - trommur
og Þorgrímur Jónsson - Bassi.
Tónleikarnir hefjast kl 20:00 og er miðaverð 3.900kr