Clik here to view.
Myrkir músikdagar verða haldnir í Reykjavík fimmtudaginn 30. janúar til sunnudagsins 2. febrúar 2014 og nú í fyrsta sinn í samstarfi við Reykjavík Center for Visual Music (RCVM) og spænsku abstrakt-kvikmyndahátíðina Punto y Raya.
Myrkir músíkdagar hafa verið einn mikilvægasti vettvangur framsækinnar nútímatónlistar á Íslandi allt frá stofnun hátíðarinnar árið 1980, en Tónskáldafélag Íslands stendur fyrir hátíðinni. Á Myrkum músíkdögum er boðið upp á úrval spennandi og framandi tónlistarviðburða sem endurspegla margbreytileika tónlistar í okkar samtíma. Áhersla er lögð á frumsköpun og tilraunastarfsemi og er frumflutningur tónverka áberandi á dagskránni. Hátíðin fer fram í tónleikahúsinu Hörpu nú þriðja árið í röð. Sinfóníuhljómsveit Íslands opnar Myrka músíkdaga með glæsilegum tónleikum í Eldborg þar sem flutt verða ný og framsækin íslensk verk, en Sinfónían hefur verið fastur liður á opnunarhátíð hátíðarinnar frá upphafi.
Í ár verða Myrkir músíkdagar í fyrsta sinn haldnir í samstarfi við nýja hátíð, Reykjavík Visual Music – Punto y Raya Festival, sem mun fara fram samtímis í Hörpu og Listasafni Reykjavíkur. Boðið verður upp á spennandi dagskrá þar sem fléttaðar verða saman samtímatónlist og sjónrænar listir. Á opnunarhátíð Reykjavík Visual Music og - Punto y Raya verða frumflutt tvö ný verk þar sem tónskáldin Anna Þorvaldsdóttir og Hugi Guðmundsson sameina krafta sína við sjónlistamennina Sigurð Guðjónsson og Bret Battey.
Auk Sinfóníuhljómsveitarinnar kemur fram fjöldi flytjenda á hátíðinni svo sem Kammersveit Reykjavíkur og CAPUT. Á meðal verka eru Saxófónkonsert eftir Áskel Másson og portrett-tónleikar Páls Ragnar Pálssonar tónskálds, sem margir kannast við sem fyrrum gítarleikara hljómsveitarinnar Maus.
