Það seldist upp á Uppáhaldslögin hennar Ömmu í Bæjarbíói í þrígang í fyrra . Þökkum frábærar móttökur og vegna fjölda áskorana höfum við ákveðið að endurtaka þessa dásamlegu tónleika.
Ágústa Eva flytur dægurlagaperlur áranna 1945-1960 í Bæjarbíói Hafnarrfirði sunnudaginn 11. mars n.k kl 18:00. Hún verður ekki ein á ferð því með henni deila sviðinu margir af fremstu tónlistarmönnum landsins.
Hljómsveit hennar er þannig skipuð:
Kjartan Valdemarsson Píanó
Óskar Guðjónsson saxafónn
Matthías Hemstock trommur
Þórður Högnason kontrabassi
Hver man ekki eftir lögum frá þessum tíma eins og Manstu gamla daga, Í rökkuró, Síðasti vagninn í Sogamýri, Litla flugan, Brúnaljósin Brúnu og það sem ekki má. Þessi lög ásamt fjölda annara verða á dagskránni í Bæjarbíói.
Loksins gefst tækifæri á að skófla stórfjölskyldunni saman í bílinn og eiga yndislega stund við kunnuglega tóna.
Hlakka mikið til að sjá ykkur öll
Ágústa Eva