KK og Ellen verða með jólatónleika í Bæjarbíó í Hafnarfirði. Með þeim verður hljómsveit undir stjórn Jóns Ólafssonar píanóleikara;
Bryndís Halla Gylfadóttir Sellóleikari
Lilja Valdimarsdóttir sem leikur á Franskt horn og
Andri Ólafsson sem leikur á bassa og syngur.
2005 komu KK & Ellen út með sína fyrstu jólaplötu "Jólin eru að koma". Platan varð óhemju vinsæl og seldist upp í þrígang. Og fyrstu jólatónleikarnir héldu þau einmitt í Bæjarbíó það sama ár. Húsið fagnaði systkinunum og gagnkvæm væntumþykja hefur haldist í gegnum árin.
Bæjarbíó hefur farið í gegnum endurnýjun lífdaga sinna á síðasta ári og er óhætt að segja að nýjir rekstrarðailar hússins séu að hefja það aftur til sinnar rómuðu fegurðar og notalegheita og má því vænta einstakrar stemmingar á jólatónleikunum.