„Hægan, hægan.................“
Fyrir þá sem muna uppgang íslenskrar popptónlistar á sjöunda áratugnum var JÓNAS R JÓNSSON einn þeirra tónlistarmanna sem sannarlega skráðu þá sögu.
5 PENCE, TOXIC, FLOWERS, NÁTTÚRA og BRIMKLÓ voru allt geysivinsælar hljómsveitir með Jónas í fararbroddi og lög eins og GLUGGINN og SLAPPAÐU AF með eftirminnilegustu lögum þess tíma.
Nú 50 árum síðar slær Jónas aftur duglega í klárinn og kemur fram á Café Rosenberg föstudaginn 17. mars í frábærum hópi tónlistarmanna undir stjórn góðvinar síns, Gunnars Þórðarsonar.
Jónas hefur engu gleymt og flytur fjölbreytta tónlistardagskrá og eitt er víst að hér verður hvergi slappað af.
Missið ekki af þessu spennandi tónlistarkvöldi með Jónasi R og Bandinu.
Í Bandinu eru Gunnar Hrafnsson á bassa, Gunnar Þórðarson á gítar, Hjörtur Ingvi Jóhannsson á hljómborð og Scott Mclemore á trommur. Söngraddir: Fanný Kristín Tryggvadóttir, Gísli Magni Sigríðarson og Þóra Gísladóttir.