Country hljómsveitin Axel O & CO heldur tónleika á Græna Hattinum, Akureyri, Laugardaginn 12.nóvember 2016.
Söngvarinn Axel Omarsson sem ólst upp í Texas og Oklahoma hefur verið að skipa sér sess sem einn helsti Country söngvari landsins að undanförnu. Hljómsveitin er skipuð einvalaliði hljóðfæraleikara sem vart þarf að kynna, þeir Jóhann Ásmundsson (Bassi), Magnús Kjartansson (Píanó/söngur), Sigfúsi Örn Óttarsson (Trommur), og Sigurgeir Sigmundsson (Gítar og Pedal Steel).
Axel O & CO gaf út sína fyrstu plötu í sumar sem kallast “Open Road” og eru lögin allt frá því að vera Country skotið gítar Rock, yfir í hefðbundna Country tónlist. Lög af plötunni hafa fengið afar góða dóma hér sem erlendis og eru mörg þeirra í spilun á fjölda útvarpsstöðva erlendis.
Á efnisskránni á tónleikunum eru lög af nýju plötunni auk ýmissa þekktra Country standard eftir gömlu meistarana á borð við Alan Jackson, Buck Owens, Brooks & Dunn, Johnny Cash og Merle Haggard.
Þetta eru tónleikar sem enginn áhugamaður um Country tónlist ætti að missa af.
Vinsamlegast athugið
18 ára aldurstakmark er á viðburðinn.