Frændsystkinin Anna Gréta Sigurðardóttir og Sölvi Kolbeinsson hafa þekkst alla ævi en byrjuðu fyrst að spila saman þegar bæði hófu nám í tónlistarskóla FÍH fyrir fimm árum. Síðan hafa þau spilað saman í mörgum ólíkum verkefnum en það er fyrst nú að þau spila dúó með áherslu er á samspil og spuna. Þau leika frumsamda tónlist og útsetningar sem þau hafa unnið að síðasta mánuð. Anna og Sölvi hafa bæði hlotið titilinn "bjartasta vonin" á íslensku tónlistarverðlaunum, Anna árið 2015 og Sölvi 2016. Verkefni þeirra verður fulltrúi Íslands í hinni árlegu "nordic jazz comets" sem haldið verður í Umeå í október.
Aðgangseyrir kr. 2000